بيىل 4 جاڭا اۆتوجول جوباسى باستالماق
بۇل تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ۇكىمەت وتىرىسىندا ءمالىم ەتتى.
«2025 -جىلعا دەيىن رەسپۋبليكالىق ماڭىزى بار بارلىق اۆتوجولدى قايتا جاڭارتۋ ءۇشىن ۇزىندىعى 4,3 مىڭ شاقىرىمدا جاڭا جوبالار جۇزەگە اسىرىلادى. سونداي- اق، 2021-2025 -جىلداردى 10 مىڭ شاقىرىم اۆتوجول جوندەلەدى. بيىلعى جىلدىڭ سوڭىنا دەيىن ءبىز جالپى ۇزىندىعى 607 شاقىرىم بولاتىن 4 جاڭا اۆتوجول جوباسىن باستاۋدى جوسپارلاپ وتىرمىز»، - دەدى مينيستر.
ونىڭ ءبىرى - قىزىلوردا- جەزقازعان اۆتوجولى. جالپى ۇزىندىعى 427 شاقىرىم بولاتىن ءدالىزدى كۇردەلى جوندەۋدەن وتكىزۋ ءۇشىن ازيا دامۋ بانكى مەن ەۋروپا قايتا قۇرۋ جانە دامۋ بانكىنىڭ قارىزى ەسەبىنەن مەملەكەتتىك كەپىلدەمە نەگىزىندە قارجىلاندىرۋ جوسپارلانعان.
«جىل سوڭىنا دەيىن بانكتەرمەن نەسيە كەلىسمدەرىنە قول قويۋ جانە مەردىگەر ۇيىمداردى انىقتاۋ كوزدەلگەن. «قازاۆتوجول» ۇ ك» ا ق ەكونوميكالىق ساراپتامادان ءوتۋ ءۇشىن تەحنيكا ەكونوميكالىق نەگىزدەمەنى جەتىلدىرۋدە بويىنشا جۇمىستار جۇرگىزۋدە. سونداي- اق، جوبا بانك تاراپىنان باعالانۋدا»، - دەدى بەيبىت اتامقۇلوۆ.
قالعان جوبالارعا توقتالساق، تۇركىستان قالاسىنىڭ شىعىس اينالما جولىن سالۋ (30 ك م)، شىمكەنت قالاسىنىڭ وڭتۇستىك- باتىس اينالما جولىنىڭ قۇرىلىسى (48 ك م)، سارىاعاش قالاسى اينالما جولىنىڭ قۇرىلىسى (102 ك م) جوسپارلانعان. ەسكە سالساق، يندۋستريا جانە ينفراقۇرىلىمدىق دامۋ ءمينيسترى اتالمىش شارادا قاندىاعاش- ماقات باعىتىنداعى 327 شاقىرىم جول بيىل اشىلاتىنىن ءمالىم ەتكەن بولاتىن. ۆەدومستۆو جول قۇرىلىسى ماۋسىمىندا بيتۋم باعاسىنىڭ وسۋىنە جول بەرمەۋ ماسەلەسىن پىسىقتاپ جاتىر.
