بيىل 4 مىڭعا جۋىق ەتنيكالىق قازاق قانداس مارتەبەسىن الدى

نۇر-سۇلتان. قازاقپارات - 2021-جىلعى 1- ساۋىردەگى جاعداي بويىنشا 3966 ادام تاريحي وتانىمەن تابىسىپ، قانداس مارتەبەسىن الدى.

بۇل تۋرالى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ حابارلايدى.

جالپى 1991-جىلدان بەرى رەسپۋبليكاعا شامامەن 1 ميلليون 74,3 مىڭ ەتنيكالىق قازاق ورالدى.

وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (%75,6) وزبەكستاننان، %11,9 - ق ح ر- دان، %5,8 - تۇركىمەنستاننان، %3,0 - موڭعوليادان جانە %3,6- باسقا ەلدەردەن.

كەلگەن ەتنيكالىق قازاقتار نەگىزىنەن الماتى (%32,6)، تۇركىستان (%16,5) جانە ماڭعىستاۋ (%14,2) وبلىستارىنا، سونداي-اق شىمكەنت (%12,0) جانە نۇر-سۇلتان (%5,4) قالالارىنا قونىستاندى.

اعىمداعى جىلعى 1- ساۋىردەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى %59,9، ەڭبەككە قابىلەتتى جاستان كىشى %24,1 جانە زەينەتكەرلەر %16,0 قۇرايدى.