اتىراۋدا 4-قاباتتان قۇلاعان بالا ءتىرى قالدى

وبلىستىق پوليتسيا دەپارتامەنتى باسپا ءسوز قىزمەتىنىڭ اقپاراتىنا قاراعاندا، جىل باسىنان بەرى اتىراۋدا كوپ قاباتتى تۇرعىن ۇيلەردىڭ تەرەزەسىنەن 10 عا جۋىق بالانىڭ قۇلاپ كەتۋى تىركەلگەن. «تەرەزەنىڭ اشىق قالۋىنان 2-7 جاس ارالىعىنداعى بالالار ءجيى قۇلايدى. ويتكەنى، ولار تەرەزەنىڭ الدىندا ويناۋ قاۋىپتى ەكەنىن ەسكەرمەيدى. ال، اتا-انالار وسىنداي جاستاعى بالالاردى قاراۋسىز قالدىرادى. ماسەلەن، 27-ناۋرىزدا بەس جاسار بالا 4-قاباتتاعى پاتەر تەرەزەسىنەن قۇلاپ كەتكەن. ونى اتا-اناسى تەرەزەسى اشىق تۇرعان بولمەدە جالعىز قالدىرعان» - دەپ حابارلادى دەپارتامەنتتىڭ باسپا ءسوز قىزمەتىنەن.

قازىر جاراقات العان بالا وبلىستىق بالالار اۋرۋحاناسىندا ەمدەلىپ جاتىر.

اۆتور: بەك مۇستافا