جىبەك جولى بەكەتىندە جولاۋشىلار ءبىر ايدا 4 مارتە ەسىرتكى الىپ وتپەك بولدى
وسى جىلدىڭ 25- قاڭتارىندا تىركەلگەن وقيعا بويىنشا «جىبەك جولى» كەدەن بەكەتىندە دەپارتامەنت قىزمەتكەرلەرى ق ر ۇ ق ق وكىلدەرىمەن بىرلەسە تەكسەرۋ بارىسىندا 1977-جىلى تۋعان وزبەكستان ازاماتىن ۇستادى.
ءيىسشىل يتتەردىڭ كومەگىمەن ونىڭ شۇلىعىنىڭ ىشىنەن ايىرىقشا ءيىسى بار وسىمدىك كۇدىكتى زات رەتىندە تابىلدى. ال 8- اقپان كۇنى ءدال وسى كەدەن بەكەتىندە وزبەكستانعا ءوتۋ باعىتىنداعى جولاۋشىلار تەرمينالىندا تەكسەرۋ كەزىندە قىزمەتتىك ءيتتىڭ كومەگىمەن 1960-جىلى تۋعان كورشى ەلدىڭ ازاماتى ۇستالدى.
ونىڭ سىرت كيىمىنىڭ قالتاسىنان پوليەتيلەن پاكەتىنە ورالعان جاسىل ءتۇستى ءيىسى بار زات تابىلعان. سونداي-اق 11- اقپان كۇنى «جىبەك جولى» كەدەن بەكەتىندە تاعى وسىنداي جاعداي بولعان.
دەپارتامەنت پەن ق ر ۇ ق ك قىزمەتكەرلەرىمەن بىرلەسە جۇرگىزگەن تەكسەرۋ ناتيجەسىندە 1981-جىلى تۋعان ماڭعىستاۋ وبلىسىنىڭ تۇرعىنىنان قاعازعا سكوتچپەن ورالعان كۇدىكتى زات تابىلدى. وسى كۇنى تاعى دا ەسىرتكى تاسىمالداۋشىعا قاتىستى وقيعا تىركەلدى.
تاجىكستان رەسپۋبليكاسىنىڭ ازاماتى ءىش كيىمىنە جاسىرىلعان ەسىرتكى زاتىن شەكارادان الىپ وتپەك بولعان جەرىنەن ۇستالدى.
پوليەتيلەن پاكەتتىڭ ىشىندە اق قاعازعا ورالعان جاسىل ءتۇستى ءيىستى زات بولعان. وسى ءتورت فاكتى بويىنشا جۇرگىزىلگەن سوت ساراپتاما ناتيجەسىندە بۇل زاتتاردىڭ ءبارى كەپتىرىلگەن ماريحۋانا، گاشيش سەكىلدى ەسىرتكى زاتتار ەكەنى انىقتالدى.
قازىرگى تاڭدا جوعارىدا اتالعان وقيعالار بويىنشا قىلمىستىق ءىس قوزعالدى.
