اليك شپەكبايەۆ: جەمقورلىقپەن كۇرەس باستى 4 باعىتتا جۇرگىزىلەدى
«ادامدى ادام ەتكەن - كىتاپ، سول سەبەپتى «پاراسات جولى» جوباسى وسى ۇلتتىق اكادەميالىق كىتاپحانادا باستالىپ جاتىر. ءبىزدىڭ ماقساتىمىز سانا- سەزىمدى وزگەرتۋ جانە سىبايلاس جەمقورلىق دەڭگەيىن تومەندەتۋ. جەمقورلىقتى جويۋ - بارشامىزدىڭ مىندەتىمىز. قازاقستان بۇگىنگى تاڭدا جەمقورلىقتان تازا مەملەكەت قۇرۋعا كۇش سالىپ وتىر.»، - دەيدى سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ.
ونىڭ ايتۋىنشا، سىبايلاس جەمقورلىقپەن كۇرەس باستى 4 باعىتتا جۇرگىزىلەدى. ءبىرىنشى باعىت - سىبايلاس جەمقورلىقتىڭ الدىن الۋ، بولدىرماۋ جانە جويۋدا قاراستىرادى.
«1998 -جىلى سىبايلاس جەمقورلىقپەن كۇرەس تۋرالى العاشقى زاڭ شىققان. 17 جىلدان كەيىن سىبايلاس جەمقورلىققا قارسى ءىس- قيمىل تۋرالى ەكىنشى زاڭ قابىلداندى. ول زاڭدا سىبايلاس جەمقورلىقتىڭ سالدارىمەن كۇرەس ەمەس، الدىن الۋ ماسەلەسى قارالعان. قازىردىڭ وزىندە ءبىزدىڭ قىزمەتىمىزدە ۇلكەن وزگەرىستەر بولىپ جاتىر. سىبايلاس جەمقورلىققا قارسى ءىس- قيمىل اگەنتتىگىنىڭ 3 دەپارتامەنتى بار. ولار: پريەۆەنتسيا، پاراساتتىلىق جانە سەرىكتەستىك دەپارتامەنتى. ونى شەتەلدەگى مىقتى وقۋ ورىندارىن ءبىتىرىپ كەلگەن جاستار باسقارىپ وتىر. ەكىنشى باعىت - سىبايلاس جەمقورلىققا قارسى مادەنيەتتى قالىپتاستىرۋ. بۇل باعىت سىبايلاس جەمقورلىققا توزبەۋشىلىكتى ناسيحاتتايدى»، - دەيدى ول.
ءۇشىنشى باعىت - بەلسەندى قوعام، سىندارلى سەرىكتەستىك. «وسى جەردە قوعامدىق، ازاماتتىق باقىلاۋدى كۇشەيتۋ كەرەك. مەملەكەت باسشىسى قوعامدىق باقىلاۋ تۋرالى زاڭدى قاراستىرىپ جاتىر. ول زاڭ قابىلدانۋى كەرەك. قازىر قوعام دا، مەملەكەت تە وزگەردى. سوڭعى ءبىر جىلدىڭ ىشىندە ءبىز پارلامەنتكە سىبايلاس جەمقورلىققا قارسى ءۇش پاكەت زاڭداردى وتكىزدىك. شەتەلدىك رەيتينگ اگەنتتىكتەرى ءبىزدىڭ جۇمىسىمىزدى كورىپ، باعالاپ وتىر. سوڭعى 3-4 جىلدا ولاردىڭ ءبىزدىڭ ەلگە دەگەن كوزقاراسى باسقاشا. ءتورتىنشى باعىت - قىلمىستىق جاۋاپقا تارتۋ. سىبايلاس جەمقورلىقپەن جول بەرگەندەردى ۇستاپ، قىلمىستىق جاۋاپقا تارتىپ جاتىرمىز.