يسپانيادا كوروناۆيرۋستىڭ جاڭا شتاممىن جۇقتىرعان 4 ناۋقاس انىقتالدى

سەنبى كۇنى تاڭەرتەڭ يسپانيا بيلىگى ۇلى بريتانيادا پايدا بولىپ، بەلسەندى تۇردە تاراپ جاتقان كوروناۆيرۋستىڭ جاڭا شتاممىن جۇقتىرۋدىڭ العاشقى ءتورت جاعدايى مادريدتە انىقتالعانىن حابارلادى. يسپانيا استاناسىنىڭ وڭىرلىك اكىمشىلىك وكىلدەرى بۇل جاعدايلاردىڭ بارلىعى جاقىندا بريتانيادان ورالعان ادامدارمەن بايلانىستى ەكەنىن ايتۋدا.

«پاتسيەنتتەردە اۋىر بەلگىلەر جوق، ءبىز بۇل شتاممنىڭ تەز تارالاتىنىن بىلەمىز. ءبىراق ودان دا اۋىر جاعداي تۋعىزبايدى. الاڭداۋعا نەگىز جوق»، - دەدى مادريدتىڭ دەنساۋلىق ساقتاۋ قىزمەتى ديرەكتورىنىڭ ورىنباسارى انتونيو زاپاتەرو.

ول بيلىكتىڭ تاعى ءۇش ىقتيمال جاعدايدى تەكسەرىپ جاتقانىن اتاپ ءوتتى. ءبىراق تالداما ناتيجەلەرى كەلەسى اپتادا بەلگىلى بولادى. يسپانيا ازاماتتارى مەن تۇرعىندارىن قوسپاعاندا، مادريدكە ۇلى بريتانيادان كەلۋشىلەرگە كىرۋگە تىيىم سالىندى. سونداي- اق، ۇلى بريتانيادان شۆەتسياعا كەلگەن ادامنان ۆيرۋستىڭ جاڭا شتاممى تابىلعانى تۋرالى ايتىلدى. شۆەد دەنساۋلىق ساقتاۋ مينيسترلىگىنىڭ حابارلاماسىندا كورسەتىلگەندەي، ساياحاتشى ەلگە كەلگەندە اۋىرىپ، وقشاۋلانعان.

Nextstrain مونيتورينگ سەرۆيسىنىڭ دەرەكتەرى بويىنشا، كوروناۆيرۋستىڭ جاڭا شتاممى دانيا، اۋستراليا جانە نيدەرلاند ەلدەرىندە تىركەلگەن. فرانسيادا دا كوروناۆيرۋستىڭ جاڭا شتاممى تىركەلدى.

ەسكە سالساق، جاقىندا ۇلى بريتانيا كوروناۆيرۋستىڭ جاڭا شتاممى انىقتالعانى جاريالاندى. سونىمەن قاتار، قىتاي كوروناۆيرۋستىڭ جاڭا شتاممى انىقتالعان ۇلى بريتانيامەن اۋە قاتىناسىن توقتاتتى.

اۆتور: اياۋلىم التىنبەك