نۇر-سۇلتاندا جاتاقحانا تۇرعىنىن بەلگىسىز 4 ادام سوققىعا جىعىپ، توناپ كەتتى
كەيىنىرەك ول ادامدار زارداپ شەككەن تۇرعىننىڭ كورشىسىمەن تانىس ەكەنى انىقتالدى. تانىسىنىڭ ۇيدە بولماعانىن بىلگەن دوستارى، كورشىسىنىڭ اقشاسىن تارتىپ الماق بولىپتى. ولاردىڭ الدەنەگە الدانعان ءساتىن پايدالانعان زارداپ شەككەن ەر ادام بولمەدەن قاشىپ شىققان. ول جوق كەزدە بەلگىسىز ادامدار بولمەدەن 50 مىڭ تەڭگە مەن 2 ۇيالى تەلەفوندى الىپ، كەتىپ قالعان.
نۇر-سۇلتان قالاسىنىڭ پوليتسيا دەپارتامەنتىنىڭ «الماتى» اۋدانىنىڭ پوليتسيا باسقارماسىنىڭ قىزمەتكەرلەرى جەدەل-ىزدەۋ شارالارى كەزىندە قىلمىسقا كۇدىكتى 4 ازاماتتى انىقتاپ، قولعا ءتۇسىردى. ولاردىڭ ەكەۋى بۇرىن قىلمىستىق جاۋاپقا تارتىلعانى بەلگىلى بولدى. كۇدىكتىلەر قىلمىس جاساعانىن تولىق مويىندادى. ۇستالعان كەزدە ولار ۇرلانعان اقشانى جۇمساپ ۇلگەرگەن. ۇيالى تەلەفوندار يەسىنە قايتارىلدى. وسى فاكتى بويىنشا ق ر ق ك 191-بابى بويىنشا سوتقا دەيىنگى تەرگەۋ ءجۇرىپ جاتىر. ۇستالعان ازاماتتاردىڭ وسى سەكىلدى باسقا دا قىلمىستارعا قاتىسى بار- جوعى انىقتالىپ جاتىر.
