قانت تاۋەلدىلىگىنەن ارىلۋدىڭ 4 جولى
نۇر-سۇلتان. قازاقپارات -ءار ادام ورتا ەسەپپەن تاۋلىگىنە 100 گرامم قانت تۇتىنادى ەكەن. بۇل نورمادان ءۇش ەسە كوپ. ادامدار قۇرامىنا اسا ءمان بەرە بەرمەيتىن ونىمدەردە قانت كوپ بولادى.
ءتاتتى سۋسىن، سوۋس، ءتىپتى مايسىز ازىق- تۇلەكتەن دە كەزدەستىرەمىز. ال دەنساۋلىقتى كۇتۋدىڭ ەڭ باستى قاعيدالارىنىڭ ءبىرى - قانتتان باس تارتۋ.
ارينە، ۇيرەنشىكتى ادەتتەن بىردەن باس تارتۋ وڭاي ەمەس. سول ءۇشىن ديەتولوگ، پايدالى تاعام بويىنشا مامان ەنن ءريچيدىڭ قانتقا تاۋەلدىلىكتەن ارىلۋعا ارنالعان ءتورت كەڭەسىن ۇسىنامىز.
ءبىرىنشى كەڭەس - ءبىر ايعا جوسپار قۇرىڭىز
پايدالى تاعامعا اسىقپاي، كەزەڭ- كەزەڭىمەن ءوتۋ قاجەت. ويتكەنى اعزا جاڭا راتسيونعا ۇيرەنۋى كەرەك. كوبى قانتتان بىردەن باس تارتىپ، ۇلكەن قاتەلىك جاسايدى. وداندا ءبىر ايعا تاماق جوسپارىن جاساپ، قانت مولشەرىن ازايتۋ ارقىلى پايدالى تاعام جەۋگە كەزەڭ- كەزەڭىمەن وتكەن دۇرىس.
راتسيونىڭىزداعى تاماقتىڭ قايسىندا قانت كوپ ەكەنىن انىقتاڭىز
نە ءىشىپ، نە جەپ جۇرگەنىڭىزدى سارالاپ، قايسىنىڭ قۇرامىندا قانت كوپ ەكەنىن انىقتاۋ قاجەت. ونىڭ ىشىندە سۋسىن، ءتاتتى تاعامدارعا باسا ءمان بەرگەن ءجون. قانتى كوپ ءونىمنىڭ مولشەرىن ازايتىپ، ۋاقىت وتە تولىق باس تارتۋعا داعدىلانۋ كەرەك. تابيعي ءونىمدى تاڭداڭىز
قازىر دايىن نە جارتىلاي دايىن ءونىمدى كەز كەلگەن دۇكەننەن ساتىپ الۋعا بولادى. الايدا ونى شەكتەن تىس تۇتىنۋعا دا بولمايدى. راتسيونىڭىزعا مەيلىنشە تابيعي ءونىمدى كوبىرەك قوسۋعا تىرىسىڭىز.
قانتقا قارسى ۇيقىنىڭ كومەگىمەن كۇرەسىڭىز
ۇيقى جەتىسپەۋشىلىگى تاماقتى ارتىعىمەن جەۋگە سەبەپ بولادى. از ۇيىقتايتىن ادام تاتتىگە قۇمار بولادى ەكەن. سوندىقتان ۇيقىڭىزدى رەتتەپ، 7-8 ساعات كوز ىلگەن دۇرىس.
Massaget.kz
