قازگيدرومەت: 4- تامىزعا ارنالعان اۋا رايى بولجامى
قازاقستان اۋماعىنىڭ باسىم بولىگى انتيتسيكلون جوتالارىنىڭ ىقپالىندا بولعاندىقتان، اشىق جاۋىن- شاشىنسىز اۋا رايى كۇتىلەدى. تەك ەلىمىزدىڭ باتىسى جانە شىعىسىندا جوعارى جىرالاردىڭ اسەرىندە جاڭبىر جاۋادى، باتىستا كەي جەرلەردە قاتتى جاڭبىر جاۋادى، نايزاعاي، داۋىل كۇتىلەدى، بۇرشاق جاۋۋى ىقتيمال.
رەسپۋبليكانىڭ كەي جەرلەرىندە جەلدىڭ كۇشەيۋى كۇتىلەدى.
ماڭعىستاۋ، اتىراۋ، باتىس قازاقستان وبلىستارىنىڭ كەي جەرلەرىندە جەل 15-20 م/س كۇتىلەدى، بۇرشاق جاۋۋى ىقتيمال، اتىراۋ، باتىس قازاقستان وبلىستارىنىڭ كەي جەرلەرىندە داۋىل كۇتىلەدى.
اقتوبە وبلىسىنىڭ كەي جەرلەرىندە جەل 15-20 م/س كۇشەيەدى، كۇندىز بۇرشاق جاۋۋى ىقتيمال.
شىعىس قازاقستان، كۇندىز پاۆلودار، سولتۇستىك قازاقستان، قوستاناي، قىزىلوردا وبلىستارىنىڭ كەي جەرلەرىندە جەل 15-20 م/س.
قاراعاندى وبلىسىنىڭ كەي جەرلەرىندە جەل 15-23 م/س كۇشەيەدى. كۇندىز قوستاناي، سولتۇستىك قازاقستان وبلىسىندا، قاراعاندى وبلىسىنىڭ وڭتۇستىكتە قاتتى ىستىق كۇتىلەدى.
اتىراۋ وبلىسىندا، اقتوبە، قىزىلوردا، تۇركىستان وبلىستارىنىڭ باسىم بولىگىندە، باتىس قازاقستان، قاراعاندى، الماتى، جامبىل وبلىستارىنىڭ كەي جەرلەرىندە توتەنشە ءورت قاۋىپى ساقتالادى.
