استانادا 4 ميلليون تەڭگەنىڭ دۇنيەسىن قولدى ەتكەن ۇرى ۇستالدى
تەرگەۋ بارىسىندا كۇدىكتىنىڭ 2019 -جىلدىڭ شىلدە ايىندا بالكوننىڭ پلاستيك تەرەزەسىن بۇزىپ، كوتتەدجگە كىرىپ، التىن جانە گاۋحار تاس بۇيىمدارىن، سونداي-اق اقشا ۇرلاعانى انىقتالدى.
جالپى شىعىن سوماسى 4 ميلليون تەڭگەنى قۇراعان. بۇگىنگە دەيىن تەرگەۋدەن جاسىرىنىپ، حالىقارالىق ىزدەۋدە بولعان كۇدىكتى جەدەل ىزدەستىرۋ شاراسى بارىسىندا قولعا ءتۇسىرىلدى.
قازىرگى ۋاقىتتا كۇدىكتى پ د-نىڭ ۋاقىتشا ۇستاۋ يزولياتورىندا. ق ر ق ك 188-بابى بويىنشا سوتقا دەيىنگى تەرگەۋ ءجۇرىپ جاتىر. پوليتسەيلەر ازاماتتان ۇرلانعان التىن بۇيىمداردى تاۋىپ، يەسىنە قايتاردى. نۇر-سۇلتان قالاسىنىڭ پوليتسيا دەپارتامەنتى 2020 -جىلدىڭ باسىنان پاتەر توناۋ اۋىر قىلمىس تۇرىنە جاتقىزىلعانىن ەسكەرتەدى. ەندى، مۇنداي ۇرلىق جاساعانداردى ءۇش جىلدان جەتى جىلعا دەيىن باس بوستاندىعىنان ايىرىپ، مۇلكىن تاركىلەيدى جانە تاتۋلاسۋ مۇمكىندىگى جوق.
