12:59, 22 - شىلدە 2020 | GMT +6
وسكەمەندە الاياق ايەل جەرگىلىكتى تۇرعىننىڭ ەسەپ-شوتىنان 4 ميلليون تەڭگە شەشىپ الدى
وسكەمەن. قازاقپارات - وبلىس ورتالىعىنىڭ 38 جاستاعى تۇرعىنى الاياقتىڭ قۇربانى بولىپ، سالدارىنان ءىرى سوماداعى اقشاسىنان ايىرىلىپ قالدى، دەپ حابارلايدى قازاقپارات ش ق و پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ش ق و پ د كريمينالدىق پوليتسيا باسقارماسى كيبەرقىلمىسقا قارسى كۇرەس ءبولىمىنىڭ قىزمەتكەرلەرى 9- شىلدەدە زارداپ شەككەن ازاماتقا بەلگىسىز بويجەتكەن تەلەفون شالىپ، ءوزىن بانك كەڭەسشىسى رەتىندە تانىستىرعانىن، ونىڭ شوتىنان بەلگىسىز بىرەۋلەردىڭ 2 ميلليون تەڭگە كولەمىندە اقشا شەشۋگە ارەكەتتەنىپ وتىرعانىن ايتتى.
ەر ادامنىڭ سەنىمىنە كىرىپ العان ول ونىڭ پينكودىن ءبىلىپ الىپ، بانك شوتىنان 4 ميلليون تەڭگەگە جۋىق اقشاسىن شەشىپ الدى.
بۇل فاكت سوت الدىنداعى تەرگەۋدىڭ ءبىرىڭعاي تىزىلىمىنە تىركەلدى. جىل باسىنان بەرى ش ق و اۋماعىندا الاياقتىقتىڭ 45 تەن استام فاكتىسى تىركەلدى، دەپ حابارلادى ش ق و پ د باستىعى ساعات ماديەۆ.