15:20, 21 - شىلدە 2020 | GMT +5
بەسىنشى قاباتتان قۇلاعان 4 جاسار بالا امان قالدى - قوستاناي وبلىسى
قوستاناي. قازاقپارات - قوستاناي وبلىسىندا 4 جاسار بالا بەسىنشى قاباتتاعى تەرەزەدەن قۇلاپ كەتىپ، امان قالدى، دەپ حابارلايدى قازاقپارات.
اقپاراتتى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى راستادى. وقيعا 20-شىلدە كۇنى ساعات 23:00 شاماسىندا ءجىتىقارا اۋدانىندا بولعان.
«4 جاسار بالا بولمەسىندە جالعىز وتىرعان. بۇل ۋاقىتتا اتا- اناسى كورشى بولمەدە جۇرگەن. بالا تەرەزەگە شىعىپ، موسكيت تورىنان ۇستاپ تۇرادى. كەنەت تور ءۇزىلىپ كەتىپ، بالا تومەنگە قۇلاپ كەتكەن. قازىر بالا ءجىتىقارا اۋداندىق اۋرۋحاناسىنىڭ جانساقتاۋ بولىمىندە جاتىر. ونىڭ جاعدايى ورتاشا اۋىر دەپ باعالانعان» دەلىنگەن ت ج د حابارلاماسىندا.
