اقتوبەدە كوروناۆيرۋستان كوز جۇمعان ەر ادام 4 كۇن ۇيىندە ەمدەلگەن
«سوڭعى كەزدەرى كوروناۆيرۋس ينفەكسياسىن جۇقتىرعانداردىڭ كوبى جاعدايى ناشارلاعاندا عانا دارىگەر كومەگىنە جۇگىنىپ، ەم الىپ جاتىر. قازىر وبلىستا 16 ادام جانساقتاۋ بولىمىندە جاتىر، ونىڭ التاۋى جاساندى تىنىس الۋ اپپاراتىندا قوسىلعان. ءبىر ناۋقاس كوز جۇمدى. 65 جاستاعى ەر ادام ماۋسىم ايىنىڭ العاشقى كۇندەرى اۋىرىپ، ءتورت كۇن بويى ۇيىندە ەم الدى. دەنە قىزۋى كوتەرىلىپ، تىنىس الۋى قيىنداعان كەزدە عانا جەدەل جاردەم شاقىردى. بىردەن جانساقتاۋ بولىمىنە جاتتى. جاعدايى كۇرت ناشارلاپ، كوز جۇمدى»، - دەدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ.
اقتوبە وبلىسىندا ەپيدەميولوگيالىق جاعداي تۇراقتى. وبلىستا 685 ناۋقاستا ۆيرۋس انىقتالسا، ونىڭ 147 ى سيمپتومسىز. ناۋقاستاردىڭ 392 ى ەمدەلگەن. اۋىرعان ادامداردىڭ 54 ى بالا. بالالاردىڭ 50 ى ەم قابىلداپ، ۇيىنە شىقتى.
