كوروناۆيرۋستى 4 ساعاتتا جوياتىن ماسكانىڭ شىققانى راس پا؟
جازباداعى مالىمەت بويىنشا، ماسكا مىس تالشىقتارىنان جاسالعان ءارى ۆيرۋستى جوياتىن قابىلەتى بار. Factcheck.kz سايتى جاپونيانىڭ رەسمي سايتتارىنا جۇگىنە وتىرىپ، وسى اقپاراتتىڭ راس- وتىرىگىن انىقتاپ كوردى.
«جاپونيا عالىمدارى كوروناۆيرۋستى 4 ساعاتتا جوياتىن ماسكا جاساپ شىعاردى» دەگەن مالىمدەمەگە Factcheck.kz «شىندىق ءارى مانيپۋلياتسيا» دەپ ۇكىم شىعاردى.
اقپارات شىندىعى: جاپونيانىڭ Gunma ۋنيۆەرسيتەتىنىڭ عالىمدارى جەرگىلىكتى Meisei Industry كومپانياسىمەن بىرىگىپ مىس تالشىقتارىنان جاسالعان ماسكا، ماتا، قولعاپ جانە تاعى باسقا زاتتاردى وندىرە باستادى. باستى ماقسات - كوروناۆيرۋسپەن كۇرەس، سەبەبى COVID-19 ۆيرۋسى باسقا مەتالدارمەن سالىستىرعاندا مىستا از ۋاقىت (4 ساعاتقا دەيىن) ءومىر سۇرەدى.
اقپارات مانيپۋلياتسياسى مىنادا: «كوروناۆيرۋس تۋدىراتىن SARS- Cov-2 ۆيرۋسىنىڭ مىس بۇيىمدارىندا 4 ساعاتقا دەيىن ساقتالادى. الايدا جاپونيا عالىمدارىنىڭ مىس تالشىقتارىنان جاساعان ماسكاسى ءالى تاجىريبە جۇزىندە بولعاندىقتان ءبىز ناقتى قانشا ساعاتتا جويا الاتىنىن ايتا المايمىز، سوندىقتان بۇل مالىمدەمە - مانيپۋلياتسيا»، - دەيدى Factcheck.kz.
— inform.kz inform.kz
Gunma ۋنيۆەرسيتەتى جانىندا قۇرىلعان Gunma University Development جانە Innovation (GUDi) كاسىپورنى جاپونيانىڭ كيتريۋ قالاسىندا ورنالاسقان. وسى كاسىپورىن Meisei Industry كومپانياسىمەن بىرىگىپ، Covid-19 ۆيرۋسىنىڭ تارالۋىن الدىن الۋ ءۇشىن مىس تالشىقتارىنان جاسالعان توقىما ونىمدەرىن دايىنداي باستادى.
«قولدانىلىپ جاتقان ماتەريال ۆيرۋستىڭ جاپپاي تارالۋىنا جول بەرمەۋ ءۇشىن جاڭا مۇمكىندىكتەرگە جول اشادى جانە ءبىز وسى جەتىستىككە تەزىرەك جەتۋدى قالايمىز»، - دەيدى وسى تاجىريبەلەردىڭ باسى-قاسىندا جۇرگەن Gunma ۋنيۆەرسيتەتىنىڭ پروفەسسورى جانە GUDi كاسىپورىنىنىڭ اتقارۋشى ءتوراعاسى حيدەيۋكي يتاباشي.
Massaget.kz
