سەمەيدە كوروناۆيرۋس جۇقتىرعان ناۋقاستاردىڭ ىشىندە 4 بالا بار

ونىڭ ىشىندە شىعىس قازاقستان وبلىسىندا جاڭا 10 جاعداي تىركەلدى، دەپ حابارلايدى قازاقپارات ءتىلشىسى.

ش ق و اكىمى باسپا ءسوز قىزمەتىنىڭ حابارلاۋىنشا، سەمەيدە COVID-19 ۆيرۋسىن جۇقتىرعان 10 ناۋقاستىڭ ىشىندە 2019، 2014، 2011، 2010 -جىلى تۋعان ءتورت بالا، 2003 -جىلعى ستۋدەنت جانە 1939 -جىلعى زەينەتكەر بار. سونداي-اق 1977 -جىلعى ايەل جانە 1974، 1978 -جىلعى ەر ادامدار قاۋىپتى دەرتكە شالدىققان.

«ون وقيعانىڭ توعىزى بۇعان دەيىن اۋرۋحاناعا تۇسكەن 1963 -جىلعى ازاماتپەن ءۇي وشاعى بويىنشا جاقىن بايلانىستا بولعان ناۋقاستار توبىنا جاتادى. ال 1995 -جىلعى جىگىتتە دەرت سكرينينگتىك تەكسەرۋ بارىسىندا انىقتالدى. قازىردە شىعىس قازاقستان وبلىسىنىڭ اۋماعىندا كوروناۆيرۋس ينفەكسياسىنىڭ 43 جاعدايى تىركەلگەن» دەلىنگەن مالىمەتتە. وسى رەتتە وبلىس اكىمدىگى تۇرعىندارعا ۇيدە دەزينفەكسيا رەجيمىن ساقتاپ، ۇنەمى جەلدەتىپ وتىرۋ قاجەتتىگىن ەسكە سالادى. ج ر ۆ ي بەلگىلەرى بار ادامدارمەن تىعىز قارىم-قاتىناستان اۋلاق بولۋ كەرەك.