تۇركيادا كوروناۆيرۋستان كوز جۇمعاندار سانى 4 كە جەتتى
انكارا. قازاقپارات - تۇركيادا كوروناۆيرۋستىڭ جاڭا تۇرىنەن ءتورتىنشى ادام قايتىس بولدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
«ءبىز Covid-19 دياگنوزى قويىلعان 85 جاستاعى پاتسيەنتىمىزدەن ايىرىلىپ قالدىق. وكىنىشكە قاراي، كوروناۆيرۋستان قازا تاپقان سانى تورتكە جەتتى»، - دەپ جازدى ەلدىڭ دەنساۋلىق ساقتاۋ ءمينيسترى فاحرەتتين قوجا Twitter پاراقشاسىندا.
ونىڭ ايتۋىنشا، تۇركيادا سوڭعى تاۋلىكتەردە 168 ادام جاڭادان ۆيرۋس جۇقتىرعان. جالپى، ەل اۋماعىندا قاۋىپتى ىندەتكە شالدىققاندار سانى - 359.
