قىزىلوردادا اۋرۋحانا كومپيۋتەر كلاۆياتۋرانى 4 ەسە قىمبات باعاعا ساتىپ العان
قىزىلوردا وبلىسى سىرداريا اۋداندىق ورتالىق اۋرۋحاناسى ساتىپ الىناتىن تاۋارلارعا، جۇمىستار مەن كورسەتىلەتىن قىزمەتتەرگە ساتىپ الۋ باعاسىن شامادان تىس كوتەرگەن. مەكەمە ورنى كەيبىر تاۋار باعاسىن نارىق باعاسىنان 1,5-4 ەسەگە دەيىن اسىرىپ جىبەرگەن.
قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) قىزىلوردا وبلىسى بويىنشا دەپارتامەنتى بەلسەندىلەرمەن بىرلەسىپ، «مەملەكەتتىك ساتىپ الۋدىڭ قوعامدىق مونيتورينگى» جوباسى اياسىندا ارنايى ءىس- شارا جۇرگىزدى. ناتيجەسىندە ءبىرقاتار كەمشىلىكتەردى انىقتادى.
«مونيتورينگ بارىسىندا سىرداريا اۋداندىق ورتالىق اۋرۋحانا ساتىپ الىناتىن كەيبىر تاۋارلار باعاسىن نارىق باعاسىنان 1,5-4 ەسەگە دەيىن اسىرىپ كورسەتكەنى بەلگىلى بولدى. اتالعان كەلىسىمشارت نەگىزىندە الىنعان تاۋارلاردى زەردەلەي كەلە، الىنعان تاۋارلاردىڭ ىشىندە كوزگە تۇسەتىنى، دەربەس كومپيۋتەرگە قاجەتتى پەرنەتاقتانى 52 مىڭ تەڭگەگە ساتىپ العان. ايتا كەتۋ كەرەك، وبلىستىق دەنساۋلىق ساقتاۋ باسقارماسى دەربەس كومپيۋتەرگە قاجەتتى
كلاۆياتۋرانى 8482,14 تەڭگەگە ساتىپ الىپ وتىر. نەگىزىنەن، دەربەس كومپيۋتەرگە ارنالعان ساپالى پەرنەتاقتانىڭ نارىق باعاسى شامامەن 5-1-5 مىڭ تەڭگە تۇرادى. اتالعان دەرەكتەر بويىنشا وبلىستىق دەنساۋلىق ساقتاۋ باعانى اسىرعان تۇلعالاردىڭ جاۋاپكەرشىلىگى قاراۋعا ۇسىنىس بەرىلدى»، - دەپ ءمالىم ەتتى دەپارتامەنتى ماماندارى.
