كوكتايعاق، تۇمان، جەل - 4 -جەلتوقسانداعى اۋا رايى

سارسەنبىدە قازاقستان تەرريتورياسىنىڭ باسىم بولىگىندە اۋا اعىندارىنىڭ وتۋىنە بايلانىستى قۇبىلمالى اۋا رايى ساقتالادى، كەي جەرلەردە جاڭبىر جانە قار جاۋادى. تەك رەسپۋبليكانىڭ وڭتۇستىك- شىعىسى انتيسيكلوننىڭ ىقپالىندا بولعاندىقتان جاۋىن-شاشىنسىز. رەسپۋبليكانىڭ كەي جەرلەرىندە - تۇمان، كوكتايعاق، جاياۋ بۇرقاسىن، جەلدىڭ كۇشەيۋى ساقتالادى.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىن بولىپ، تۇمان تۇسەدى، جەلدىڭ كۇشى 15-20، جارما اۋدانىندا كۇندىز - كوكتايعاق، جەلدىڭ ەكپىنى 25 م/س جەتەدى.

اقمولا، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، اقمولا وبلىسىنىڭ كۇندىز كەي جەرلەرىندە جەل 15-20 م/س كۇشەيەدى.

سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە تۇمان، كوكتايعاق بولادى.

الماتى وبلىسىنىڭ جالاڭاشكول اۋدانىندا جەلدىڭ جىلدامدىعى 17-22 م/س جەتەدى، تۇندە كەي جەرلەرىندە تۇمان كۇتىلەدى.

جامبىل وبلىسىنىڭ كەي جەرلەرىندە تۇمان ءتۇسىپ، كۇندىز جەل 15-20 م/س كۇشەيەدى.

قىزىلوردا وبلىسىنىڭ كەي جەرلەرىندە تۇمان، تاڭەرتەڭ جانە كۇندىز كوكتايعاق بولۋى ىقتيمال. قوستاناي وبلىسىنىڭ كەي جەرلەرىندە تۇمان ءتۇسىپ، كۇندىز جاياۋ بۇرقاسىن بولادى.

تۇركىستان، ماڭعىستاۋ وبلىستارىنىڭ كەي جەرلەرىندە تۇمان تۇسەدى.