الماتىدا 4 بازار سۇرىلەدى
تۇركسىب اۋدانىندا ورنالاسقان الماتى-1, سەيفۋللين داڭعىلىنداعى اقبۇلاق، التاي بازارى، ۆوكزال ماڭىنداعى كەرۋەن بازارى ءسۇرىلىپ، قايتا سالىناتىن بولادى.
«بازارلاردى مودەرنيزاتسيالاۋ بويىنشا جوبالار دايىن. ەڭ ۇلكەنى - م. شولوحوۆ كوشەسىنىڭ بويىنداعى الماتى-1, بازارى. وندا جوباعا ساي جاڭا بازار سالىنادى. بۇگىندە ينۆەستورلار قۇرىلىس- مونتاجداۋ جۇمىستارىنىڭ جوباسىن دايىنداۋدا. بازاردىڭ ءبىر بولىگىن بۇزا باستادىق. قۇرىلىس جۇمىستارى ەكى جىلعا سوزىلۋى مۇمكىن. سوندىقتان ونداعى ساۋداگەرلەر ۋاقىتشا باسقا بازارلاردا ساۋدا جاسايتىن بولادى» ، - دەيدى تۇركسىب اۋدانىنىڭ اكىمى پاۆەل كۋلاگين باسپا ءسوز ءماسليحاتىندا.
ونىڭ ايتۋىنشا، قازىرگى ۋاقىتتا كاسىپكەرلەر قىزمەتى مەن ساۋدانى دامىتۋ ءۇشىن بارلىق جاعداي جاسالۋدا.
«قازىر اۋداندا 10 بازار جۇمىس ىستەپ تۇر. (ءۇمىت، باھار، ارمان، التاي، ساپار، كەرۋەن، اقبۇلاق، مەحرەنيسا، جەتىسۋ، جانە تۇركسىب جارمەڭكەسى) . التى بازار مودەرنيزاتسيادان ءوتتى. وسى جىلدىڭ اياعىندا «التاي» جانە «كەرۋەن» بازارلارى قايتا قالپىنا كەلتىرىلەدى. ونداعى ينۆەستيتسيا كولەمى 90 ميلليون تەڭگەنى قۇرادى، سونىمەن قاتار «اقبۇلاق» جانە «الماتى-1» بازارلارىن جاڭارتۋ 2020 -جىلعا جوسپارلانعان» ، - دەپ تولىقتىردى پ. كۋلاگين.
