قازاقستان 4 مەملەكەتكە ءبيداي ەكسپورتىن ارتتىردى

None
None
نۇر-سۇلتان. قازاقپارات - قازاقستان 2019-جىلدىڭ قاڭتارىندا 691,8 مىڭ توننا ءبيداي جانە ءبيداي- قارا ءبيداي قوسپاسىن (مەسلين) ەكسپورتتادى.

بۇل 2018-جىلدىڭ وسى ايىنداعى كورسەتكىشتەن %35,1 كوپ. ەكسپورت كولەمى اقشالاي ەكۆيۆالەنتتە 116,7 ميلليون دوللاردى قۇراپ، وتكەن جىلعىدان %52,5 ارتىق بولىپ وتىر، دەپ حابارلايدى قازاقپارات ءتىلشىسى energyprom.kz سايتىنا سىلتەمە جاساپ.

وسى جىلدىڭ ءبىرىنشى ايىندا قازاقستاندىق ءبيداي ەكسپورتىنىڭ كولەمى بويىنشا مىنا ەلدەر كوش باستاپ تۇر: وزبەكستان رەسپۋبليكاسى - 290,7 مىڭ توننا (%27,2+)، تاجىكستان رەسپۋبليكاسى - 118,4 مىڭ توننا (%73,1+) جانە ازەربايجان رەسپۋبليكاسى (4,7 ەسەگە ارتقان) - 80,1 مىڭ توننا.

ەكسپورتتىق باعىتتار تىزىمىندە ءتورتىنشى ورىندا تۇرىكمەنستان تۇر. بۇل ەلگە قاڭتار ايىندا 52,5 مىڭ توننا ءبيداي جونەلتىلگەن. رەسەي فەدەراتسياسىنا قازاقستاندىق ءبيداي ەكسپورتى 3,7 ەسەگە ارتىپ، 25,9 مىڭ توننانى قۇرادى. سونداي-اق قىرعىزستان رەسپۋبليكاسىنا 10,9 مىڭ توننا (%10,1 كوپ)، بەلارۋس رەسپۋبليكاسىنا 0,6 مىڭ توننا (وتكەن جىلدىڭ قاڭتارى بويىنشا مالىمەتتەر جوق) ءبيداي جەتكىزىلدى.

ەسەپتىك كەزەڭدە ءبيداي مەن ءبيداي- قارا ءبيداي قوسپاسى وزگە تاعى 13 ەلگە ەكسپورتتالعان. ونىڭ جالپى كولەمى 112,6 مىڭ توننانى قۇرادى.

ت م د ەلدەرى ءۇشىن قازاقستاندىق ءبيدايدىڭ ەكسپورتتىق باعاسى 2019-جىلدىڭ قاڭتارىندا %32,7 وسسە، الەمنىڭ باسقا مەملەكەتتەرىنە %7,6 ارتقان. جالپى وسى جىلدىڭ ءبىرىنشى ايىنىڭ قورىتىندىسى بويىنشا ءبيدايدىڭ ەكسپورتتىق باعاسى %24,6 كوتەرىلگەن.

سوڭعى جاڭالىقتار