استانادا پاتەر كەزەگىندە تۇرعان 4 مىڭ ادام نەلىكتەن كەزەكتەن شىعارىلدى
بۇل - تۇرعىن ۇيگە مۇقتاج دەپ تانىلۋعا نەگىزى جوق ازاماتتار. سول سەبەپتى ولاردىڭ اتالمىش كەزەكتە تۇرۋعا قۇقى بولمايدى.
«كەزەكتەن شىعارۋ تۇرعىن ءۇي كوميسسياسىندا وتكىزىلەدى. ءبىز كەزەكتەن شىعارۋ ماسەلەسىنە وتە جاۋاپتى ءارى مۇقيات قارايمىز. ودان بىرەۋدى قاساقانا الىپ، كەرىسىنشە سول تىزىمگە بىرەۋدى قوسپايمىز. ول تەك سوتتىڭ شەشىمىمەن نەمەسە پروكۋراتۋرا ورگاندارىنىڭ ۇسىنىسى بويىنشا جاسالادى» ، - دەدى اكىمدىكتە وتكەن باسپا ءسوز ءماسليحاتىندا استانا قالاسى اكىمدىگىندەگى تۇرعىن ءۇي قورىنىڭ ديرەكتورى نۇرسۇلۋ قوجاحمەتوۆا.
ونىڭ مالىمەتىنشە، تۇرعىن ءۇي قورىنىڭ قىزمەتكەرلەرى ءتۇرلى الاياقتىقتىڭ الدىن الۋ ءۇشىن كۇن سايىن مونيتورينگ جۇرگىزىلەدى، كەزىندە كەزەك بويىنشا بەرىلگەن پاتەرلەرى بار ءار ءۇيدى ارالايدى.
«بىزدە ۇيلەرىندە كەزەكتەگىلەردىڭ وزدەرى ەمەس، پاتەر جالداۋشىلار تۇرىپ جاتقان جاعدايلار بولدى. ونداي كەزدە ءبىز ولارعا كەلىسىمنىڭ شارتىن بۇزىپ جاتقاندىعى تۋرالى ەسكەرتۋ جولداپ، ونى تۇزەتۋگە ۋاقىت بەرەمىز. ەگەر بۇزۋشىلىق ەسكەرىلمەگەن جاعدايدا، ءبىز ونى شىعارۋ تۋرالى سوتقا بەرەمىز. ول پاتەر كەزەكتە تۇرعان كەلەسى ادامعا بەرىلەدى» ، - دەدى ول.
ونىڭ مالىمەتىنشە، تامىزدان بەرى وسىنداي 76 پاتەرگە ەسكەرتۋ حاتى جىبەرىلدى. سوتتىڭ شەشىمىمەن شىعارۋ تۋرالى ءۇش فاكتى بار.