وڭتۇستىك كورەيادا وتەتىن بيزنەس-يدەيالار بايقاۋىنا 4 قازاقستاندىق قاتىسادى
وعان قازاقستان اتىنان ءتورت ادام قاتىسادى، دەپ حابارلايدى قازاقپارات حابار-24 اگەنتتىگىنە سىلتەمە جاساپ.
جالپى ورتالىق ازيا ەلدەرىنەن بارلىعى 70 جوبا كەلىپ تۇسكەن. ونىڭ ىشىندە 20 يدەيانى قازاقستاندىقتار ۇسىندى.
ەسكە سالا كەتەيىك، بايقاۋدى كورەيا قورى جانە «كورەيا رەسپۋبليكاسى - ورتالىق ازيا» ىنتىماقتاستىق فورۋمىنىڭ حاتشىلىعى ۇيىمداستىرىپ وتىر. قاتىسۋشىلار وڭتۇستىك كورەيا مەن ورتالىق ازيا ەلدەرى اراسىندا ىنتىماقتاستىقتى نىعايتۋعا باعىتتالعان جوبالاردى ۇسىندى. جەڭىمپازدار قاراشا ايىنىڭ 6-سىندا بەلگىلى بولادى. بايقاۋدىڭ باس جۇلدەسى - 5 مىڭ ا ق ش دوللارى. بۇدان باسقا، كونكۋرستىڭ بارلىق قاتىسۋشىلارى وڭتۇستىك كورەيانىڭ جەتەكشى ىسكەر كەڭەسشىلەرىنىڭ سەمينارلارىنا قاتىسادى.
«قازاقستان وكىلدەرى مەديتسينا، ءوندىرىس جانە لوگيستيكا سالالارى بويىنشا تىڭ جوبالاردى ۇسىندى. ولاردىڭ يدەيالارى كرەاتيۆتى. سوندىقتان قازىلار القاسى جوعارى باعالادى. بارلىق ۇمىتكەرلەر توپتارعا بولىنەدى جانە فينالدا جۇلدەلى ورىندار ءۇشىن باق سىنايدى»، - دەيدى قازىلار القاسىنىڭ مۇشەسى چون چحاڭ.
