الماتىداعى قالقاماندا 4 ميلليارد تەڭگەگە ءۇي ساتىلىپ جاتىر

 استانا. قازاقپارات - Krisha.kz سايتىندا الماتىداعى ەكىقاباتتى جەكە ءۇي 4 ميلليارد تەڭگەگە ساتىلاتىنى جايلى حابارلاندىرۋ ىلىنگەن.

بۇل تۋرالى Tengrinews.kz حابارلايدى.

ءزاۋلىم ەكىقاباتتى ءۇي الماتىداعى ناۋرىزباي اۋدانى قالقامان-2 ىقشاماۋدانىندا ورنالاسقان، 50 سوتىق جەرى بار.

«تەڭدەسى جوق جاڭا رەزيدەنسيا ساتىلادى. ەرەكشە ۇسىنىس. ىشكى ديزاينىن تانىمال ديزاينەرلەر ارلەگەن. سپا-زوناسى، كينوتەاترى بار، پەرسونالعا ارنالعان بولمە، اسحانا بار، اشىق باسسەين، ءوز تەننيس كورتى بار. ورتالىقتاندىرىلعان اۆتوماتتاندىرىلعان جىلىتۋ جانە جەل سالقىنداتۋ جۇيەسى بار»، - دەلىنگەن حابارلاندىرۋدا.

ءۇيدىڭ كىرپىشتەن 2017 -جىلى قالانعانى ايتىلادى. اۋدانى - 2 مىڭ شارشى مەتر. ءۇيدىڭ سۋرەتتەرىن مىنا جەردەن كورۋگە بولادى.