شىعىس قازاقستاندا 4 ادامدى تۇتقىندا ۇستاپ، زاڭسىز جۇمىسقا سالعان
30 جاستاعى ازامات سەمەي قالاسىنىڭ پوليتسياسىنا شاعىمدانىپ، وسىدان ەكى جىل بۇرىن ونشا تانىس ەمەس ادامدار ونى ءبىر اۋدانعا الىپ كەتىپ، قىستاۋدا زاڭسىز جۇمىسقا سالعانىن ايتقان. ءدال وسىنداي جاعداي وبلىس ورتالىعىنىڭ 40 جاستاعى تۇرعىنىنىڭ باسىنان دا وتكەن. وسىدان بەس جىل بۇرىن ول كوڭىلدى داستارقان باسىندا ءىشىپ-جەپ، ەرتەڭىندە ءوڭىردىڭ ءبىر اۋدانىندا ەسىن جيعان. سودان بەرگى 5 جىلدا ول شارۋا قوجالىعىندا قۇلدىقتا بولىپ، ءوز ەركىنەن تىس جۇمىسقا سالىنعان. اقىرى ول اياق-قولىن ءۇسىتىپ، ەڭبەككە جاراماي قالعاندا، كەرەكسىز زات قۇساتىپ كوشەگە لاقتىرىپ كەتكەن.
ش ق و ءى ءى د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى مۇددەلى قوعامدىق بىرلەستىكتەرمەن بىرگە حالىقتىڭ قورعالماعان توپتارى اراسىندا ۇنەمى كەزدەسۋلەر وتكىزىپ تۇرادى. مۇنداي باسقوسۋلاردا جۇمىسقا ورنالاسۋ ەرەجەلەرى ءتۇسىندىرىلىپ، قۇقىقتىق ساۋاتتىلىقتى دامىتۋ بويىنشا جۇمىستار جۇرگىزىلەدى، كىمنەن جانە قاي مەكەمەدەن كومەك سۇراۋ كەرەكتىگى ايتىلادى.
اعىمداعى جىلدىڭ باسىنان بەرى 15 جەڭگەتايلىق فاكتىسى انىقتالدى، ونىڭ ىشىندە ءۇش جاعداي ينتەرنەت- رەسۋرستاردىڭ كومەگىمەن ىسكە اسىرىلعان. 2 جاعداي بويىنشا كۇدىكتىلەر جەزوكشەلىكپەن اينالىسۋعا عيمارات بەرگەن، ال 4 فاكتى ادامداردى زاڭسىز جۇمىسقا سالۋعا بايلانىستى.
