ءۇندىستاندا 4 ميلليونداي ادام ازاماتتىقتان ايىرىلدى
وندا 29 ميلليون تۇرعىننىڭ اتى-ءجونى تۇر. اتالمىش تىزىمگە ەنگىزۋ جونىندە 33 ميلليون ادام ءوتىنىش بەرگەن كورىنەدى.
بۇل تىزىمگە ەنبەگەندەر ءوزى مەن وتباسىنىڭ بانگلادەش 1971-جىلى تاۋەلسىزدىگىن جاريالاماي تۇرعان كەزدەن بەرى ەل اۋماعىندا تۇرىپ كەلگەنىن دالەلدەۋى ءتيىس. دالەلدەي الماعاندار كورشى ەلگە جەر اۋدارىلادى. ارادا جارتى عاسىرعا جۋىق ۋاقىت وتكەنىنە نەمەسە تۇتاس ءبىر ۇرپاقتىڭ اۋىسقانىنا قاراماستان تاريح ەنشىسىندە قالۋى ءتيىس ماسەلەنى ءۇندى بيلىگى نەگە قوزعاپ وتىر؟
ەڭ الدىمەن بۇعان حالىق سانىنىڭ باقىلاۋعا كونبەي ءوسۋى سەبەپ بولىپ وتىر. مۇنشا حالىقتى اسىراۋ، ولاردىڭ دەنساۋلىق ساقتاۋ، ءبىلىم بەرۋ، تاعى باسقا دا الەۋمەتتىك باعدارلامالار بويىنشا قامتۋ مەملەكەت قازىناسىنا اۋىر سالماق سالىپ وتىر.
دەسە دە مىنانى ايتا كەتۋ كەرەك، ەڭ الدىمەن بۇل شارادان بەنگالدىق مۇسىلماندار جاپا شەگەدى. قۇقىق قورعاۋشىلار بيلىك باسىنداعى «بحاراتيا دجاناتا پارتي» دەپ اتالاتىن ءۇندى ۇلتشىلدارىنىڭ بۇل ارەكەتىن مۇسىلماندارعا قارسى باعىتتالعان ناۋقانعا بالاپ، سىنعا الىپ وتىر. بانگلادەش ونسىز دا وتكەن جىلى بۋددا راديكالداردىنىڭ زورلىق-زومبىلىعى مەن قۋعىن-سۇرگىنىنەن باس ساۋعالاپ كەلگەن ءبىر ميلليونعا تاياۋ روحينيالىق مۇسىلمان بوسقىنداردى قابىلداماي وتىر.
ەندى ءۇندى 4 ميلليونداي ءۇندى مۇسىلماندارى بانگلادەشكە ەرىكسىز قونىس اۋدارسا، ولاردىڭ جاعدايى نە بولادى؟ ۇندىلەردىڭ NDTV كوممەرتسيالىق تەلەارناسى اتالمىش ءتىزىمنىڭ 1951- جىلدان بەرى العاش رەت جاڭعىرتىلىپ وتىرعانىن ءمالىم ەتتى.
islam.kz
