ادامعا ەڭ قاۋىپتى 4 نارسە
قانداي امال جاساسا دا، ونىڭ بەرەكەسىن كورۋ كەرەك. سەبەبى، ومىردە ادام بالاسىنا قاۋىپتى 4 نارسە بار. بۇل قۇبىلىستار سىزگە ىستە - بەرەكە، سوزدە - جۇيە، ومىردە جەڭىس اكەلمەيدى.
جالقاۋلىق
كەز كەلگەن ادامنىڭ قاس جاۋى - جالقاۋلىق. ون ەكى مۇشەڭ ساۋ بولا تۇرىپ ەرىنۋ، قۇلقىڭ بۇزىلۋى، نيەت تانىتپاۋ قاي جاعىنان الىپ قاراساق تا، ادامنىڭ السىزدىگى دەپ ەسەپتەلەدى. بالا كۇننەن باستاپ «جالقاۋلىق» تۋرالى تەك جامان اڭىزدار، اڭگىمەلەر مەن سوزدەر ەستىپ وسەمىز. جاقسى ءسوزدىڭ جارىم ىرىس ەكەنىن ەسكەرسەڭىز، ەڭ قاۋىپتى ادەتتىڭ بىرىنەن اۋلاق بولىڭىز.
ۇيقى
ۇيقىنىڭ ءوزى - تاڭىردەن. ياعني 6-8 ساعات ۇيىقتاپ الماساڭىز، دەنەڭىزدە دەرتتىڭ بەلگىلەرى پايدا بولادى. ماسەلەن ادامنىڭ تۇنگى ۇيقىسى قانباي، تاڭعا جۋىق ۇيىقتاسا، بەل ومىرتقاسىنا زاقىم كەلەدى. بۇل عىلىمي دالەلدەنگەن. ال ۇيقىنىڭ دۇرىس قانباۋى - كۇنى بويى جاساعان ارەكەتتىڭ پايداسىز قالۋى نەمەسە ناتيجە اكەلمەۋى.
سەمىزدىك
(مەشكەي) ادامنىڭ كوزى ەشقاشان تويعان ەمەس. ەڭ دۇرىسى ۋاقىتىلى از- ازدان تاماقتانعان ءجون. ياعني اسقازاندى بىردەن تويدىرىپ الۋعا تاعى بولمايدى. اس دۇرىس قورىتىلماي قالسا دا، اۋرۋعا اكەلەدى. ال سەمىزدىك - كىمگە دە بولسىن جاراسپايدى، تىم سۇيكىمسىز قالىپتىڭ ءبىرى. اۋزىڭىزدى تىيساڭىز، سەمىزدىكتەن عانا ەمەس، وسەكتەن دە اۋلاق بولاسىز.
رۋحاني قۇلدىراۋ
رۋحانيات - بىردە السىرەپ، بىردە ءوسىپ وتىراتىن ناقتى ءبىر ورنى جوق قاسيەت. ءبىراق شىڭىنا جەتسەڭىز، ءناپسىنى جەڭسەڭىز، سىزدەن اسقان ادال ءارى جاقسى جان جوق. سوندىقتان رۋحانياتتىڭ السىرەۋىنەن ساقتانۋ كەرەك. ەگەر باستاعان ءىسىڭىز بەرەكە اكەلسىن دەسەڭىز، جەڭىستى تۇعىردان كورىنۋگە اسىقساڭىز، رۋحاني جان دۇنيەنى ءوسىرىپ وتىرىڭىز. رۋحانياتتىڭ قۇلپىن ۇنەمى كىلتىمەن اشىپ وتىرىڭىز. بۇل 4 قاۋىپتىڭ ءبىر- بىرىمەن تىعىز بايلانىسى بار ەكەنىن بىلەسىز بە؟ ماسەلەن سەمىز ادام كوزى تويماي تاماقتانا بەرەدى، ال كوپ تاماق ىشكەن ادامنىڭ ۇيقىسى كەلەدى. ۇيقى كەلگەن سوڭ ەشنارسەگە كوڭىل تارتپاي، جالقاۋلىق كەلەدى. ال جالقاۋلىقتىڭ ناتيجەسىندە رۋحانياتتىڭ باعىنا كەلۋدەن قالاسىز، ازعىندىققا، جامان ارەكەتكە ۇرىناسىز. دەنساۋلىقتى دا، تۇرمىس- تىرشىلىكتى دە وزگەرتەتىن 4 قاۋىپتەن ساقتانا ءبىلىڭىز!
Massaget.kz
