قوستانايدا كۇنباعىستىڭ 4 سۇرىپى پايدا بولدى
جاڭا تۇقىم تۇرلەرىنىڭ ەرەكشەلىگى تەرىسكەي ءوڭىردىڭ تابيعاتىنا بەيىمدەلگەن، ءارى ونىمدىلىگى دە جوعارى. تەز ءپىسىپ- جەتىلەدى، توپىراق قۇنارىن دا ءبىرقالىپتا ساقتايدى.
ەگەر داقىلدىڭ وزگە ءتۇرىن سۇرىپتاۋعا 5 جىل جەتكىلىكتى بولسا، كۇنباعىستىڭ تۇقىمىنا ەكى ەسە كوپ ۋاقىت كەتەدى. ءاربىر جاڭا سورت - عىلىمي قىزمەتكەرلەردىڭ كوز مايىن تاۋىسقان ۇزاق جىلعى ەڭبەگىنىڭ جەمىسى. تۇقىم ءتۇرىن شىعارۋداعى ماقسات - ونىمدىلىكتى ارتتىرۋ. بۇل باعىتتاعى ىزدەنىس توقتاعان ەمەس.
زيباگۇل اعىبايەۆا، قوستاناي اۋىل شارۋاشىلىعى ع ز ي كىشى عىلىمي قىزمەتكەرى:
- عىلىمي ينستيتۋتتا سورتتاردى شىعارىپ جاتىرمىز، ءبىرىنشى بىزدە بولعان - «زارەچنوە» دەگەن سورت، ونىڭ دا ونىمدىلىگى 29 سەنتنەر بولدى ءبىر گەكتاردان. ودان كەيىن «راۋان» دەگەن شەمىشكە شىعاردىق. ونىڭ دا ونىمدىلىگى 27-29-عا دەيىن. جانە دە «سارى» دەگەن سورت شىعاردىق، ونىڭ دا ونىمدىلىگى 47-دەن 49 سەنتنەرگە دەيىن.
سوڭعى ون جىلدا قوستاناي وبلىسىندا مايلى داقىل تاناپتارىنىڭ كولەمى 16 ەسەگە ۇلعايعان. سول ارقىلى وڭىردە وڭدەۋ نىساندارى كوبەيدى. «ءبىز توپىراق قۇنارىن ساقتاي وتىرىپ، ەكولوگيالىق تازا ونىممەن ەكسپورتتى جاۋلاۋىمىز كەرەك. بۇل - پرەزيدەنت جولداۋىندا ايتىلعان مىندەت. «عىلىمي ىزدەنىستەر القاپتاردى ءارتاراپتاندىرۋ ساياساتىمەن ۇشتاسىپ جاتىر»، - دەيدى ينستيتۋت قىزمەتكەرلەرى.
ءنابيدوللا كيكەبايەۆ، قوستاناي اۋىل شارۋاشىلىعى ع ز ي باس ديرەكتورى:
- مايلى داقىلداردان شىعارىلعان سورتتار رەسپۋبليكالىق مەملەكەتتىك تىركەۋگە كەتتى. ودان قالدى ءوسىرۋدىڭ ەكى تەحنولوگياسى ورگانيكالىق تەحنولوگيالار پاتەنتكە بەرىلىپ، ول دا مەملەكەتتىڭ نازارىندا، تىركەۋىنە الىنىپ وتىر. سوندىقتان ول ءوزى ءبىراز جىلعى ەڭبەكتىڭ ناتيجەسىنىڭ كورىنىپ كەلە جاتقانى.
بۇگىندە قوستانايلىقتار قولدانىسقا ەنگىزگەن نولدىك تەحنولوگيا تاسىلىمەن ەلىمىزدە 1,5 ميلليون گەكتار القاپقا ءدان سەبىلەدى. ءوڭىر عالىمدارى شىعارعان مايلى داقىل تۇقىمدارى مەن كوكونىس تۇرلەرىنە شارۋاشىلىقتار تاراپىنان سۇرانىسقا يە بولا باستاعان. ينستيتۋت قىزمەتكەرلەرى وتكەن جىلى 4 جاڭا تۇقىم تۇرىنە اۆتورلىق قۇقىق يەلەنسە، تاعى بەس ءوتىنىش قارالۋ ۇستىندە.
www.24.kz
