قىزىلوردادا زاڭسىز قويان اتقان 4 ازامات قاماۋعا الىنۋى مۇمكىن

26، 41، 62، 63 جاستاعى اتالعان ازاماتتار ءتارتىپ ساقشىلارىنىڭ ەكولوگيالىق قىلمىستارعا قارسى جەدەل جۇمىستاردى جۇرگىزۋ بارىسىندا ۇستالعان. ۇستالعانداردىڭ كولىكتەرىن ءتىنتۋ بارىسىندا اۆتوكولىكتىڭ جۇك سالعىشىنان 3 دانا اڭشى مىلتىعى تابىلدى. اتالعان دەرەك سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ق ر قىلمىستىق كودەكسىنىڭ 337-بابى بويىنشا تىركەلدى. قازىرگى تاڭدا سوتقا دەيىنگى تەرگەپ- تەكسەرۋ امالدارى ءجۇرىپ جاتىر.

وبلىستىق ءى ءى د مالىمەتتەرى بويىنشا، ۇستالعانداردىڭ قىلمىستىق ارەكەتى دالەلدەنسە، ولار بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءبىر جىلعا دەيىنگى مەرزىمگە ايىرىلادى. سونداي-اق ولارعا ءۇش ءجۇز ايلىق ەسەپتىك كورسەتكىشكە دەيىنگى مولشەردە ايىپپۇل سالىنىپ، تۇزەۋ جۇمىستارىنا نەمەسە ەكى ءجۇز قىرىق ساعاتقا دەيىنگى مەرزىمگە قوعامدىق جۇمىستارعا تارتىلادى.

سونىمەن قاتار ولار جەتپىس بەس تاۋلىككە دەيىنگى مەرزىمگە قاماققا الىنۋى دا مۇمكىن.