ۇكىمەت ءالىپبيدى لاتىن گرافيكاسىنا كوشىرۋ بويىنشا 4 جۇمىس توبىن قۇردى
ۇلتتىق كوميسسيا ۇكىمەتتىڭ جانىنداعى كونسۋلتاتيۆتىك- كەڭەسشى ورگان بولىپ تابىلادى، ونىڭ نەگىزگى ماقساتى - قازاق ءالىپبيىن لاتىن گرافيكاسىنا كوشىرۋ بويىنشا ۇسىنىستار ازىرلەپ بەكىتۋ، جۇمىس بارىسىن ۇيلەستىرۋ جانە ونىڭ ساپالى ورىندالۋىنا باقىلاۋ جاساۋ.
باقىتجان ساعىنتايەۆتىڭ توراعالىعىمەن كوميسسيا قۇرامىنا ءتوراعانىڭ ورىنباسارى - ق ر پرەمەر- ءمينيسترىنىڭ ورىنباسارى ە. دوسايەۆ، سونىمەن قاتار ق ر پرەزيدەنتى اكىمشىلىگىنىڭ، «نۇر وتان» پارتياسىنىڭ، ق ر پارلامەنتىنىڭ، جوعارعى وقۋ ورىندارىنىڭ، بۇقارالىق اقپارات قۇرالدارىنىڭ، قوعامدىق ۇيىمداردىڭ، بەلگىلى عالىمدار مەن قوعام قايراتكەرلەرى تارتىلدى. كوميسسيانىڭ جۇمىس ورگانى مادەنيەت جانە سپورت مينيسترلىگى.
«لاتىن الىپبيىنە كوشۋ - ەلىمىز ءۇشىن ايرىقشا ءمانى بار تاريحي وقيعا. ەلباسى ايتقانداي، حالقىمىز سان مىڭ جىلدىق تاريحىندا ەشقانداي سىرتقى ىقپالسىز، ءوز ەركىمەن، جالپىحالىقتىق تالقىلاۋمەن، تۇڭعىش رەت ءالىپبيىن اۋىستىرىپ وتىر. ونى جۇزەگە اسىرۋ - ءبىز ءۇشىن زور مارتەبە، ءارى ۇلكەن جاۋاپكەرشىلىك»، - دەپ اتاپ ءوتتى باقىتجان ساعىنتايەۆ.
لاتىن گرافيكاسىنا كوشۋ بويىنشا نەگىزگى جۇمىس باعىتتارى جونىندە مادەنيەت جانە سپورت ۆيتسە- ءمينيسترى ا. رايىمقۇلوۆا، ءبىلىم جانە عىلىم ءمينيسترى ە. ساعاديەۆ، قارجى ءمينيسترى ب. سۇلتانوۆ بايانداما جاسادى.
سونىمەن قاتار ق ر پرەمەر-ءمينيسترىنىڭ ورىنباسارى ە. دوسايەۆ، «نۇر وتان» پارتياسى ءتوراعاسىنىڭ ءبىرىنشى ورىنباسارى م. قۇل-مۇحاممەد، ءدىن ىستەرى جانە ازاماتتىق قوعام ءمينيسترى ن. ەرمەكبايەۆ، ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى ە. قاجىبەك، فيلولوگيا عىلىمدارىنىڭ دوكتورى، پروفەسسور، اباي اتىنداعى قازاق ۇلتتىق ۋنيۆەرسيتەتىنىڭ كافەدرا مەڭگەرۋشىسى ت. اياپوۆا ءوز پىكىرلەرىمەن ءبولىستى.
قازاق ءالىپبيىن لاتىن گرافيكاسىنا 2025 -جىلعا دەيىن بىرتىندەپ كوشىرۋ كوزدەلگەن. ءبىرىنشى كەزەڭ: 2018-2020 -جىلداردى، ەكىنشى كەزەڭ: 2021-2023 -جىلداردى، ءۇشىنشى كەزەڭ: 2024-2025 -جىلداردى قامتيدى.
سونىمەن قاتار اپروباتسيالىق كەزەڭ، ۇستازدار كورپۋسىن دايىنداۋ بارىسى، نورماتيۆتىك قۇقىقتىق بازانى جاساۋ جانە جالپى جاڭا ءالىپبيدى قولدانىسقا ەنگىزۋ ءۇردىسى ۇلتتىق كوميسسيانىڭ ءجىتى نازارىندا بولادى.
وتىرىس بارىسىندا قويىلعان مىندەتتەردى جۇزەگە اسىرۋ ءۇشىن ءتورت ارنايى جۇمىس توبىن قۇرۋ تۋرالى شەشىم قابىلداندى.
ءبىرىنشىسى - ورفوگرافيالىق (قازاق ءالىپبيىن لاتىن گرافيكاسىنا كوشىرۋدە ورفوگرافيا مەن ورفوەپيا ەرەجەلەرىن دايىنداۋ ءۇشىن).
ەكىنشىسى - ادىستەمەلىك (لاتىن ءالىپبيىن ۇيرەتۋ جانە وقىتۋ ادىستەمەسىن جاساپ، ونى ءبىلىم بەرۋ جۇيەسىنە بىرتىندەپ ەنگىزۋ ءۇشىن).
ءۇشىنشىسى - تەرمينجاسام (لاتىن گرافيكاسىنىڭ نەگىزىندە قازاق ءتىلىنىڭ تەرمينولوگيالىق بازاسىن جۇيەلەۋ ءۇشىن).
ءتورتىنشىسى - ساراپتامالىق- تەحنيكالىق (لاتىن گرافيكاسىن ءىت- تەحنولوگيا تالاپتارىنا سايكەس كەلتىرۋ ءۇشىن). جۇمىس توپتارىنا ءتىل ءبىلىمى سالاسىنىڭ كاسىبي ماماندارى دا تارتىلاتىن بولادى.
