سيريادا 4 قاۋىپسىز ايماق قۇرىلدى
«2017-جىلدىڭ 4- مامىرىنداعى سيريا اراب رەسپۋبليكاسىندا دەەسكالاتسيا اۋماعىن قۇرۋ تۋرالى مەموراندۋمنىڭ جۇزەگە اسىرىلۋ بارىسىنا قاناعاتتانۋشىلىق تانىتامىز. 2017-جىلدىڭ 4- مامىرىنداعى مەموراندۋمعا سايكەس دەسكالاتسيا ايماعىنىڭ شىعىس گۋتتا، حومس ولكەسى سولتۇستىگىنىڭ بەلگىلى ءبىر بولىكتەرىندە، يدليب ولكەسىندە جانە كورشىلەس ولكەلەردەگى جەكەلەگەن اۋدانداردا قۇرىلعانىن حابارلايمىز»، - دەلىنگەن ق ر سىرتقى ىستەر ءمينيسترى قايرات ءابدىراحمانوۆ وقىپ بەرگەن بىرلەسكەن مالىمدەمەدە.
قۇجاتتا دەسكالاتسيا ايماعىنىڭ جانە ءقاۋىپسىز بەلدەۋدىڭ قۇرىلۋى ۋاقىتشا شارا ەكەندىگى جانە ونىڭ التى ايعا سوزىلىپ، كەپىلگەر ەلدەردىڭ ورتاق مامىلەگە كەلۋىمەن اۆتوماتتى تۇردە ۇزارتىلاتىندىعى ايتىلعان. «ءبىز 2017-جىلدىڭ 4- مامىرىنداعى مەموراندۋم ەرەجەلەرىن جانە استانا پروتسەسى اياسىندا بۇعان دەيىن قابىلدانعان شەشىمدەردى جۇزەگە اسىرۋ بويىنشا جۇمىستاردى جالعاستىرۋعا نيەتتى ەكەندىگىمىزدى قۋاتتايمىز. قازاقستان پرەزيدەنتى نۇرسۇلتان نازاربايەۆقا جانە قازاقستاندىق بيلىككە استانادا سيريا بويىنشا جوعارى دەڭگەيدەگى حالىقارالىق 6-كەزدەسۋدى وتكىزگەنى ءۇشىن ريزاشىلىعىمىزدى بىلدىرەمىز. جوعارى دەڭگەيدەگى كەلەسى كەزدەسۋدى استانادا، 2017-جىلدىڭ قازان ايىنىڭ سوڭىندا وتكىزەمىز دەپ شەشتىك»، - دەلىنگەن كەپىلگەر ەلدەر يران، رەسەي جانە تۇركيانىڭ بىرلەسكەن مالىمدەمەسىندە.
