بيىل قازاقستان ەكونوميكاسى 4 پروتسەنتكە وسەدى - ەلباسى
بۇل تۋرالى بۇگىن X استانا ەكونوميكالىق فورۋمىنىڭ جالپى وتىرىسىندا ءسوز سويلەگەن ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«سىرتقى قولايسىز فاكتورلارعا قاراماستان 2017-جىلى ەلىمىزدىڭ ج ءى ءو ءوسىمىن 4 پروتسەنت شەگىندە بولادى دەپ كۇتۋدەمىز. 2015-جىلدان بەرى ەكونوميكا مەن قوعام ءومىرىنىڭ ماڭىزدى باعىتتارى بويىنشا ينستيتۋتتسيونالدى رەفورمالاردى قاراستىراتىن «100 ناقتى قادام» ۇلت جوسپارى جۇزەگە اسىرىلۋدا. وسى جىلدىڭ باسىنان باستاپ ءبىز قازاقستاندا ءۇشىنشى جاڭعىرتۋدى ىسكە قوستىق»، - دەدى ق ر پرەزيدەنتى.
وسى رەتتە مەملەكەت باسشىسى قازاقستاننىڭ ودان ارى دامۋىنىڭ باسىمدىقتارى قاتارىندا ەكونوميكانىڭ تەحنولوگيالىق جاڭعىرۋىن جەدەلدەتۋ، ونى سيفرلاندىرۋ، بيزنەس ورتانى تۇبەگەيلى جاقسارتۋدى، ادام كاپيتالىن دامىتۋ بار ەكەندىگىن ايتتى.
«ون جىل بۇرىن ءبىز ت م د ىشىندە ەڭ ءبىرىنشى بولىپ ەكولوگيالىق كودەكس قابىلدادىق. 2012-جىلى ەنەرگيا ۇنەمدەۋ جانە ەنەرگيا تيىمدىلىگى تۋرالى زاڭ كۇشىنە ەندى. سول جىلى ەلىمىز «ەكسپو-2017» حالىقارالىق مامانداندىرىلعان كورمەسىن وتكىزۋ قۇقىعىن جەڭىپ الدىق. ونىڭ تاقىرىبى «بولاشاق ەنەرگياسى» دەپ اتالادى. 2013-جىلى قازاقستان ت م د ەلدەرى اراسىنان ەڭ ءبىرىنشى بولىپ جاسىل ەكونوميكاعا كوشۋ تۇجىرىمداماسىن قابىلدادى. بۇگىنگى كۇنى ەلدە ەنەرگەتيكالىق سالانى جاڭعىرتۋ تولىق قارقىنمەن جۇرگىزىلۋدە. قازىردىڭ وزىندە جاڭارتىلعان ەنەرگيا كوزىن وندىرەتىن جيىنتىق قۋاتى 300 مۆت تەڭ ەلۋ كاسىپورىن بار. سوڭعى ون جىلدىڭ ىشىندە تابيعاتتى قورعاۋ شارالارىن جۇزەگە اسىرۋ ەسەبىنەن اۋانى لاستايتىن زاتتار شىعارىندىسى 13 پروتسەنتكە، ىلەسپە مۇناي گازىنىڭ شىعارىندىسى 70 پروتسەنتكە قىسقاردى»، - دەدى نۇرسۇلتان نازاربايەۆ.
اۆتور: مارلان جيەمباي
