ەلىمىزدىڭ مۋزەي قورلارىندا شامامەن 4 ميلليوننان استام جادىگەر ساقتاۋلى
ودان كەلەر پايدا كوپ. استاناداعى ۇلتتىق مۋزەيدىڭ جۇمىسى سوزىمىزگە دالەل. تاريحي جادىگەرلەردى ىزدەپ تابۋ، زەرتتەۋ بار دا ونى ساقتاۋ جانە حالىققا تانىتۋدىڭ ءجونى ءبىر بولەك. بۇل قىزمەتتى اتقارۋمەن اينالىساتىن مەكەمەنىڭ ءبىرى - مۇراجاي. ال ول تاريحي جادىگەرلەر قويماسى سياقتى تۇرماۋى قاجەت. ەكسپوناتتار وڭدەلىپ، كوز تارتارلىق بولۋى ءۇشىن مۋزەيدە جاڭعىرتىلىپ وتىرعانى دۇرىس.
رىسكۇل بەكتاليەۆا، ق ر ۇلتتىق مۋزەيىنىڭ باس قور ساقتاۋشىسى:
- قاراپايىم تەحنولوگيامەن اعاش قاقسىپ كەتەدى دەسەك قۇرعاقتىقتان. ونىڭ جانىنا ىدىسپەن ىلعال قويىپ قويادى مىسالى. ءارتۇرلى تەحنولوگيا قولدانباعان كۇندە دە، كۇندەلىكتى وزدەرىنىڭ ءىس- شارالارىندا بارلىعىن قولدانىپ ءجۇر. نەگە؟ سەبەبى انا جادىگەردىڭ پايدالانۋ ۋاقىتىن، ءومىر ءسۇرۋىن ۇزارتۋ كەرەك. ەڭ دۇرىسى - مۇنى ارنايى تەحنالوگيالار كومەگىمەن جاساۋ. بۇل - ساقتاۋعا قاتىستى ماسەلە. ال قولداعى جادىگەرلەردىڭ ساناۋلى داناسىن عانا سورەلەرگە شىعارۋمەن شەكتەلۋگە تاعى بولمايدى. ءبارىن كورسەتەيىن دەسە، عيمارات تارلىق ەتەدى.
تۇيىتكىلدى شەشۋدىڭ جولى - تاعى دا سول يننوۆاتسيالىق تاسىلدەردى ەنگىزۋ. جاڭعىرتۋدىڭ باستى ارتىقشىلىقتارىنىڭ ءبىرى - بەلگىلى ءبىر كەزەڭنىڭ مۇراجايدا قامتىلماعان ەكسپوناتتارىن ەكراننان دا كورۋ. ماسەلەن، تەمىر ءداۋىرىن الايىق. ەكراندى ءبىر شەرتۋ ارقىلى سول كەزەڭنىڭ ادامدارى قولدانعان ءتۇرلى اشەكەيلەردى كورۋگە بولادى. بۇل قىزمەتتى بىرنەشە تىلدە قولدانۋعا بولاتىندىعىن دا ايتا كەتۋ قاجەت. ال مۇنداي مۇمكىندىككە يە جالعىز مەكەمە ول - استاناداعى ۇلتتىق مۇراجاي.
گاليا فايزۋللينا، «ەسىك» مەملەكەتتىك تاريحي- مادەني قورىق- مۇراجايىنىڭ ءبولىم جەتەكشىسى:
- ادامدار قازىر مۋزەيگە اقپارات الۋ ءۇشىن كەلمەيدى. مۇنىڭ ءبارى عالامتوردا قولجەتىمدى. ولارعا كەرەگى - زاتتى كوزىمەن كورىپ، ەرەكشە اسەرگە بولەنۋ. سول ەموتسيانى كۇشەيتۋ ءۇشىن ايماقتاعى مۇراجايلارعا دا تەحنولوگيالىق مۇمكىندىكتى پايدالانۋ اسا قاجەت. ايتا كەتەيىك، قازىر ەلىمىز بويىنشا 238 مۇراجاي بار. ولاردىڭ قورىندا شامامەن 4 ميلليوننان استام جادىگەر ساقتاۋلى.
www.khabar.kz
