افريكانىڭ 4 ايماعىنداعى گۋمانيتارلىق داعدارىس ب ۇ ۇ تاريحىندا العاش رەت بولىپ وتىر

استانا. قازاقپارات - ب ۇ ۇ باس حاتشىسىنىڭ گۋمانيتارلىق ماسەلەلەر جونىندەگى ورىنباسارى ستيۆەن و'برايەن قازىرگى تاڭدا 20 ميلليوننان استام ادامعا اشارشىلىق قاۋىپى ءتونىپ تۇرعاندىعىن اتاپ ءوتتى، دەپ حابارلايدى ت ا س س.

اگەنتتىكتىڭ مالىمەتتەرىنشە، افريكانىڭ يەمەن، نيگەريا، سومالي، وڭتۇستىك سۋدان سياقتى 4 مەملەكەتىندەگى داعدارىس ب ۇ ۇ قۇرىلعان 1945-جىلدان بەرگى العاشقى جاعداي.

بۇنى ستيۆەن و'برايەن ب ۇ ۇ- نىڭ قاۋىپسىزدىك كەڭەسىنىڭ ماجىلىسىندە مالىمدەدى. «ءبىز تاريحتىڭ ەڭ سىندارلى شاعىندا تۇرمىز. ءبىز جىلدىڭ باسىندا-اق حالىقارالىق ۇيىم تاريحىنداعى ەڭ العاشقى ءىرى داعدارىسپەن بەتپە-بەت كەلدىك. وسى ۋاقىتتا 4 مەملەكەتتەگى 20 ميلليوننان استام ادامعا اشارشىلىق قاۋىپى ءتونىپ تۇر. جاھاندىق دەڭگەيدەگى جاقسى ۇيلەستىرىلگەن ۇجىمدىق ارەكەت بولماسا، ادامدار اشتىقتان قىرىلىپ قالادى. امان قالعاندارى ءتۇرلى اۋرۋلار مەن قيىندىقتاردان زارداپ شەگەدى»، - دەدى و'برايەن.