قازاقستاندا 4 ادامعا ءبىر كولىكتەن كەلەدى

استانا. قازاقپارات - قازاقستاندا اۆتوموبيل سانى 4,4 ميلليونعا جەتتى، دەپ حابارلايدى قازاقپارات.

2017 -جىلعى 1 -ناۋرىزداعى جاعداي بويىنشا، ق ر ىشكى ىستەر مينيسترلىگىنىڭ مالىمەتتەر بازاسىندا 4 ميلليون 425 مىڭ 770 كولىك قۇرالى ەسەپتە تۇر. وسى ارقىلى 1 مىڭ ادامعا شاققاندا 250 كولىكتەن كەلەدى ەكەن.

«جىل سايىن 540-570 مىڭ جۇرگىزۋشى كۋالىگى بەرىلەدى. 2016 -جىلى 563 مىڭ 956 كۋالىك تاپسىرىلىپ، ونىڭ ىشىندە العاش رەت بۇل قۇجاتتى 194 مىڭ 559 ادام الدى»، - دەپ اتاپ وتىلگەن «قازاقپارات» اگەنتتىگىنىڭ رەسمي ساۋالىنا ۆەدومستۆونىڭ بەرگەن جاۋابىندا.

ايتا كەتەيىك، 17 جىل بۇرىن، ياعني 2000 -جىلى ەلىمىزدە كولىك سانى 1,3 ميلليوننان اسپاعان ەدى. سونىڭ اراسىندا جەڭىل كولىكتەر سانى 1 ميلليون 298 بولدى. بۇگىندە قازاقستان اۋماعىندا رەسمي تۇردە 3 ميلليون 845 مىڭ 301 جەڭىل اۆتوموبيل تىركەۋدە تۇر.

اۆتور: رۋسلان عابباسوۆ