باس پروكۋرور «كوكەسى جوق» 4 ۇمىتكەردى جۇمىسقا الدى
«وتكەن اپتادا كونكۋرستان ءوتىپ ەڭ جوعارى بالل جيناعان 4 جاسپەن كەزدەستىم. ولاردىڭ جىگەرىنە ءتانتى بولدىم. ءبىر لاۋازىمعا 81 ادام تالاستى. 4 ەۋى وزدەرىنىڭ كۇشىمەن بارلىق سىناقتان ءوتتى. وسىنداي ازاماتتاردى جۇمىسقا قابىلدايمىز»، - دەدى ج. اسانوۆ.
ەستەرىڭىزگە سالا كەتسەك، شىلدە ايىندا استاناداعى نازاربايەۆ ۋنيۆەرسيتەتىندە ەلىمىزدىڭ باس پروكۋرورى «پروكۋراتۋراعا - ۇزدىك ماماندار» جوباسىن تانىستىرعان بولاتىن. اراعا ءبىر جارىم اي سالىپ، تامىز ايىنىڭ ورتاسىندا رەسپۋبليكا بويىنشا پروكۋراتۋرا سالاسىنا جاڭا قىزمەتكەرلەر قابىلداۋ كونكۋرسى ءوتتى.
اقتوبە قالاسى بويىنشا 1 ورىنعا 81 ادام تالاسقانىن ايتا كەتۋ كەرەك. كەيىن، زاڭنامانى ءبىلۋ تالابىنان 23 ازامات ەش كەدەرگىسىز ءوتىپ، ونىڭ تەك تورتەۋى عانا ەڭ ۇزدىك دەپ تانىلدى.
كونكۋرس بارىسىندا ۇمىتكەرلەرگە تالاپ قاتاڭ بولدى. اسىرەسە، بەيمالىم تاقىرىپقا ەسسە جازۋعا اسا ءمان بەرىلدى. شىعارمالاردى نازاربايەۆ ۋنيۆەرسيتەتىنەن كەلگەن ساراپشى ماماندار تەكسەرىپ، باعاسىن بەردى. ەڭ ۇزدىك دەپ تانىلعان تۇلەكتەر بارلىق تالاپتار مەن سىناقتان سۇرىنبەي ءوتىپ، 4 تەن جوعارى بالل جينادى.
ولار: وتەنوۆا اسەل شالىتاي قىزى (ق. جۇبانوۆ اتىنداعى اكتوبە وڭىرلىك مەملەكەتتىك ۋنيۆەرسيتەتى)، تولىبەكوۆ ماقسات مۇرات ۇلى (قازاق گۋمانيتارلىق زاڭ ۋنيۆەرسيتەتى)، تايلانوۆا ءلاززات حاميت قىزى (ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتى)، ومىرسەرىكوۆ ازامات جالعاس ۇلى (قازاق گۋمانيتارلىق زاڭ ۋنيۆەرسيتەتى).
بۇل ازاماتتاردىڭ بىرەۋى قىزمەتكە قابىلداندى. قالعاندارىنا كەز كەلگەن كەلەسى بوساعان لاۋازىم ۇسىنىلىپ، ولار جەدەل ارادا جۇمىسقا قابىلدانادى.
اۆتور: مارلان جيەمباي
