21:18, 27 - قىركۇيەك 2016 | GMT +5
جىل باسىنان بەرى اۋە قاتىناسى ارقىلى 4 ميلليون ادام تاسىمالداندى
استانا. قازاقپارات - 2016 -جىلدىڭ 8 ايىندا اۋە قاتىناستارى ارقىلى 4 ميلليون ادام تاسىمالداندى.
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ءمالىم بولدى.
ق ر ينۆەستيتسيالار جانە دامۋ ءمينيسترى جەڭىس قاسىمبەكتىڭ ايتۋىنشا، جىل باسىنان بەرى ەلىمىزدىڭ اۋەجايلارى 7,6 ميلليون جولاۋشىعا قىزمەت كورسەتكەن.
بۇدان بولەك، استانا اۋەجايىنىڭ جولاۋشىلار تەرمينالىن قايتا جاڭعىرتۋ جوباسى جۇزەگە اسۋدا. ال، پەتروپاۆل قالاسىندا اۋەجايدىڭ ۆوكزالى مەن ۇشۋ- قونۋ جولاقتارى قايتا جاڭعىرتىلۋدا.
«سونىمەن قاتار، 2017 -جىلدىڭ باسىنا قاراي سەمەي اۋەجايىنداعى ۇشۋ- قونۋ جولاقتارىن جاڭعىرتۋ جۇمىستارى جوسپارلانىپ وتىر»، - دەدى مينيستر.
