استانادا 4 بالانى قاققان جۇرگىزۋشى ايىپپۇل تولەپ قۇتىلۋى مۇمكىن

استانا. قازاقپارات - استانادا يمانوۆ كوشەسىنىڭ بويىندا كولىك اپاتىن جاساپ، 4 بالانى قاعىپ كەتكەن «Lexus» دجيبىنىڭ جۇرگىزۋشىسى 1000 ا ە ك كولەمىندە ايىپپۇل تولەۋى نەمەسە 2 جىل باس بوستاندىعىنان ايىرۋ جازاسىن الۋى ىقتيمال.

بۇل تۋرالى «قازاقپارات» تىلشىسىنە استانا ءى ءى د باسپا ءسوز قىزمەتى حابارلادى.

ايتا كەتەيىك، ءتورت بالانىڭ ءبىرى وتە اۋىر حالدە اۋرۋحاناعا تۇسكەن ەدى، اپات سالدارىنان ونىڭ كوك باۋىرى مەن ءبىر بۇيرەگىن دارىگەرلەر الىپ تاستاۋعا ءماجبۇر بولعان.

«قازىرگى ۋاقىتتا قىلمىستىق كودەكستىڭ 345-بابى بويىنشا سوت الدىنداعى تەرگەۋ ءالى جالعاسۋدا. ءتيىستى ساراپتامالار تاعايىندالدى. اتالعان بابتىڭ سانكتسياسىندا ايىپتىعا 1000 ا ە ك- كە دەيىن ايىپپۇل سالۋ نەمەسە 2 جىل باس بوستاندىعىنان ايىرۋ جازاسى قاراستىرىلعان»، - دەدى ءى ءى د- نىڭ رەسمي وكىلى سوفيا قىلىشبەكوۆا.

قازىرگى ۋاقىتتا جۇرگىزۋشىدەن ەشقايدا شىقپاۋ تۋرالى قولحات الىنعان.

ەستەرىڭىزگە سالا كەتەيىك، 7 -قىركۇيەكتە يمانوۆ پەن اسان قايعى كوشەلەرىنىڭ قيىلىسىندا جول اپاتىنان ءتورت بالا زارداپ شەككەن بولاتىن. اسان قايعى كوشەسىمەن كەلە جاتقان «Lexus» اۆتوكولىگىنىڭ 36 جاستاعى جۇرگىزۋشىسى يمانوۆ كوشەسىنىڭ قيىلىسىندا «مەرسەدەس» كولىگىنە جول بەرمەستەن وتۋگە ۇمتىلىپ، سوقتىعىسقان بولاتىن.

كولىك سوقتىعىسىنان «Lexus» جۇرگىزۋشىسى ءرۋلدى بۇرىپ، كامەلەتكە تولماعان جاياۋ جۇرگىنشىلەردى باسىپ، جول بويىندا تۇرعان «لادا» كولىگىن دە ءتۇيىپ وتكەن. بۇدان سوڭ، «Lexus» كولىگى سوققىنىڭ قاتتىلىعىنان «ZAZ» ماركالى كولىككە قاراي اۋدارىلىپ، ول بولسا سەرپىنمەن تاعى ءبىر «ميتسۋبيسي» ماركالى كولىكتى سوققان. جول- كولىك وقيعاسى سالدارىنان جاياۋ جۇرگىنشى ءتورت بالا زارداپ شەكتى. اتاپ ايتقاندا، 2002, 2005 جانە 2007 -جىلدارى تۋعان ءتورت بالا ءارتۇرلى دەنە جاراقاتىمەن اۋرۋحانالارعا جەتكىزىلدى.