بيىل بيۋدجەتكە 4 تريلليون تەڭگەدەن استام كىرىس ءتۇستى - قارجى ءمينيسترى

استانا. قازاقپارات - اعىمداعى جىلدىڭ 8 ايىندا ق ر مەملەكەتىك بيۋدجەتتىڭ كىرىسى 25 پايىزعا اسىرا ورىندالدى.

بۇل تۋرالى بۇگىن مەملەكەت باسشىسى نۇرسۇلتان نازاربايەۆتىڭ توراعالىعىمەن ءوتىپ جاتقان ق ر ۇكىمەتىنىڭ كەڭەيتىلگەن وتىرىسىندا ق ر قارجى ءمينيسترى باقىت سۇلتانوۆ ءمالىم ەتتى.

«ەسەپتى كەزەڭدە مەملەكەتتىك بيۋدجەتتىڭ كىرىسى جوسپارعا قاراعاندا 25 پايىزعا اسىرا ورىندالدى، بۇل 800 ميلليارد تەڭگەدەن استام تەڭگە. جالپى، 4 تريلليون تەڭگەدەن استام قارجى ءتۇسىپ، بۇل كورسەتكىش 1,2 تريلليون تەڭگەگە نەمەسە 40 پايىزعا وتكەن جىلدىڭ 8 ايىنان ارتىق»، - دەدى ب. سۇلتانوۆ.

ونىڭ سوزىنە قاراعاندا، وسىنداي ءوسىم قوسىمشا سەرپىننىڭ ەسەبىنەن قامتاماسىز ەتىلىپ، ەكونوميكانىڭ ناقتى سەكتورى بۇل سەرپىندى داعدارىسقا قارسى شارالاردىڭ ارقاسىندا الدى.

سونىمەن قاتار ءبىرقاتار ۇيىمداستىرۋشىلىق جانە اكىمشىلىك شارالار اتقارىلىپ، بۇل جۇمىستار كولەڭكەلى ەكونوميكاعا قارسى كۇرەسكە، ادال قىزمەت ەتىپ جۇرگەن بيزنەستى قورعاۋعا، رەزەرۆتەردى ىزدەستىرۋ مەن سالىقتىق مادەنيەتتى ارتتىرۋعا باعىتتالعان.

«مىسالى، جارتى ميلليوننان استام دەكلاراتسيالارعا تالداۋ جۇرگىزىلگەننەن كەيىن سالىق تولەۋشىلەرگە 85 مىڭ ەسكەرتپەلەر باعىتتالدى. وسىنىڭ ناتيجەسىندە، ءوز ەركىمەن جانە سانكتسياسىز بيۋدجەتكە 11 ميلليارد تەڭگە قوسىمشا تولەندى»، - دەدى مينيستر.

اۆتور: رۋسلان عابباسوۆ