قازاقستاندىقتار بوكستان براندەنبۋرگ كۋبوگىندا 4 التىن ۇتتى

استانا. قازاقپارات - توعىز قازاقستاندىق سپورتشى جىل سايىنعى ەۋروپالىق تۋرنير - جاستار اراسىندا وتەتىن براندەنبۋرگ كۋبوگىنا قاتىستى.

ول 28- تامىزدا ودەردەگى فرانكفۋرتتا اياقتالدى.

بۇل تۋرالى قازاقستان بوكس فەدەراتسياسىنىڭ باسپا ءسوز قىزمەتى حابارلادى.

ءتورت التىن مەدالدى رۋستام حاميدوۆ (49 كەلى)، ايدوس اراپوۆ (52 كەلى)، بەك نۇرماعامبەت (75 كەلى) جانە بەكزات نۇرداۋلەتوۆ (81 كەلى) ۇتتى. بۇدان باسقا، ءبىزدىڭ كوماندا ءۇش كۇمىس، ەكى قولا مەدالعا يە بولدى. جالپى كوماندالىق ەسەپتە 9 ەلدىڭ ىشىنەن قازاقستاندىق سپورتشىلار ەكىنشى ورىنعا شىقتى. ءبىرىنشى ورىندا 5 التىنمەن - رەسەي، ءۇشىنشى ورىندى ءبىر التىنمەن گەرمانيا يەلەندى.