16:57, 27 - تامىز 2016 | GMT +5
دميتري بالاندين الداعى 4 جىلداعى ءوزىنىڭ جوسپارىمەن ءبولىستى
استانا. قازاقپارات - ريو وليپياداسىنىڭ چەمپيونى دميتري بالاندين 2020-جىلى توكيودا وتەتىن كەلەسى وليمپياداعا بەلسەندى تۇردە دايىندالۋدى جوسپارلاپ وتىر.

«مەنىڭ جوسپارىمدا توكيو وليمپياداسىنا دايىندىق ەنىپ وتىر جانە سول ءدۇبىرلى دودادا لايىقتى ناتيجە كورسەتۋگە تىرىسامىن. ال ەندى باسقا قاشىقتىقتارعا توقتالاتىن بولسام، وسى رەتتە ءجۇز مەترلىكتەگى جارىستا ءوزىمدى شىڭداۋعا نيەتتىمىن. سونىمەن قاتار 50 مەترگە دە دايىندالامىن. سوندىقتان جۇمىستى جانداندىرىپ، ءوزىمدى جەتىلدىرىپ، الداعى جارىستاردا تاعى دا جەڭىسكە جەتۋدى ماقسات تۇتىپ وتىرمىن»، - دەدى د. بالاندين ورتالىق كوممۋنيكاتسيالار قىزمەتىندە.
دميتري بالاندين ريو-دە-جانەيرو قالاسىنىڭ وليمپيادالىق ءجۇزۋ ورتالىعىندا وتكەن جارىستا 200 مەترگە براسس ادىسىمەن ءجۇزۋ بويىنشا وليمپيادا چەمپيونى اتاندى. ونىڭ كورسەتكىشى - 2:07.46 مينۋت.
اۆتور: رۋسلان عابباسوۆ