16:33, 11 - تامىز 2016 | GMT +5
الماتىدا اداسىپ جۇرگەن 4 جاسار قىز تابىلدى
الماتى. قازاقپارات - بۇگىن الماتىدا ساعات 15:00 دە الماتى قالاسى ءى ءى د اكىمشىلىك پوليتسياسى باسقارماسىنىڭ مامانداندىرىلعان باتالونىنىڭ ەكيپاجى جىبەك جولى كوشەسى مەن ابىلاي حان داڭعىلىنىڭ قيىلىسىندا جالعىز جۇرگەن بالانى بايقاپ قالادى.

«قىز جىلاپ جۇرگەنىمەن وزىنە نازار اۋدارتتى. وعان بارىپ، سويلەسكەننەن كەيىن، اداسىپ جۇرگەنىن تۇسىندىك. ول اناسى جاقىن دۇكەندەردىڭ بىرىنە كىرگەنىن ايتتى، ءبىراق ناقتى قاي دۇكەن ەكەنىن ايتا المادى. جانىمداعى ارىپتەسىممەن جاقىن ورنالاسقان بىرنەشە نىساندى ارالاپ شىقتىق. ءبىراق ايەلدى تاپپادىق. قىزدىڭ ايتۋىنشا، ونىڭ ەسىمى ارۋجان. اناسىنىڭ اتى بوتا، بالانىڭ شامامەن جاسى 4 تە»، - دەپ حابارلادى الماتى قالاسى ءى ءى د ءا پ ب مامانداندىرىلعان باتالونىنىڭ اعا ينسپەكتورى جۇما سۇلتان.
ءتارتىپ ساقشىسى قىزدى المالى اۋدانى ءى ءى ب- عا جەتكىزدى، بالانىڭ اناسىن ىزدەپ جاتىر.