ەگىز قىزدار ءبىر جىگىتپەن 4 جىل جۇرگەن، ەندى ولار ۇشەۋى ۇيلەنبەكشى

استانا. قازاقپارات - اۆستراليالىق اننا جانە ليۋسي ەسىمدى ەگىز بويجەتكەن سىرتقى كەلبەتتەرىن ادەمىلەندىرە ءتۇسۋ ءۇشىن عانا ەمەس، ءبىر- بىرىنە ۇقساستىقتارىن ارتتىرۋ ماقساتىندا بىرنەشە پلاستيكالىق وتاعا 250 مىڭ دوللار قارجى جۇمساعان.

ولار ەكەۋى بىردەي توستەرىن ۇلكەيتكەن. ەرىندەرىن ءىسىرىپ، كوزدەرىن ۇلكەيتىپ، كىرپىكتەرىن ۇزارتقان.

30 جاستاعى قىزدار بالا كەزدەگىدەي تەك بىردەي كيىمدەردى كيەدى. ءتىپتى تەلەفوندارى مەن اشەكەي بۇيىمدارى دا بىردەي. ەڭ تاڭ قالاتىنى ولار ءتورت جىلدان بەرى ەكەۋى ءبىر جىگىتپەن كەزدەسەدى. ەكى قىزبەن بىردەي جۇرگەن- 32 جاستاعى بەن بيرنو.

قىزدار ءبىر مەزگىلدە بادلا كوتەرۋ ماسەلەسىن قاراستىرىپ جاتىر ەكەن. دەگەنمەن قىزدار جۋىق ارادا انا اتانۋعا اسىعىپ وتىرعان جوق ولار «ءبىز ەكەۋمىز ءبىر ادامبىز» دەپ ەسەپتەيدى. جاقىندا قىزدار SBS ارناسىنداعى ەگىزدەر جانە ۋاقىت وتە ولاردىڭ ەكىگە ءبولىنۋى تۋرالى تەلەشوۋعا قاتىستى. وندا ەگىزدەر وزدەرىنىڭ ءبىر جىگىتپەن ءتورت جىل بويى كەزدەسەتىندەرىن جاسىرماي ايتقان.

«ەگەر اننا بىرنەشە مەتر جەردى جاياۋ ءجۇرىپ ءوتتى دەلىك، ماعان دا تۋرا سونشا جەردى جۇرۋگە تۋرا كەلەدى. ەكەۋمىز ءبىر مولشەردەگى كالوريانى بىردەي جوعالتۋىمىز شارت. ءبىز ءبىر ديەتا ۇستايمىز. تۇتىناتىن تاعامدارىمىزدىڭ مولشەرىنە دەيىن بىردەي. ول سۋ ىشسە مەن دە سونشا سۋ ءىشۋىم كەرەك. ءبىز ەكەۋمىز ەكى جاقتا جۇرە المايمىز. جالعىز بولساق ءوزىمىزدى جوق دەپ ەسەپتەيمىز»، - دەيدى ليۋسي.

ەگىزدەر بالا كۇنىنەن ءبىر-بىرىنەن ەش اجىراپ كورمەپتى. ولار ءبىر بالاباقشاعا بارىپ، ءبىر سىنىپتا وقىعان. كوللەدجدە دە بىرگە ءبىلىم العان. ولار ءبىر- بىرىنە ۇقساستىقتى جوعالتىپ الماس ءۇشىن اپتاسىنا ءبىر رەەت سايكەستىكتى سالىستىرىپ تۇرادى ەكەن.

ولار وتكەن جىلدان بەرى Youtube جەلىسىندە وزدەرىنىڭ پاراقشاسىن اشىپ وندا ءتۇرلى قىزىقتارىن ايتىپ وتىرادى. قىزدار قاشىقتا ءجۇرىپ ءبىرىنىڭ اۋىرعانىن ەكىنشىسى سەزىپ وتىرادى ەكەن.

ەگىزدەر بەن بيرنومەن فەيسبۋك ارقىلى تانىسقان. جىگىت العاشىندا ەكى بىردەي ءبىر- بىرىنەن اۋماي قالعان قىزدارمەن كەزدەسىپ جۇرگەنىنە ءوزى تاڭ قالعان.

«قىزداردىڭ بىرىنە جاساعان زاتتى ەكىنشىسىنە قايتالاۋعا ءتيىسپىن. ول نورمانى ۇنەمى ساقتاپ وتىرۋىم كەرەك»، - دەيدى بەن ءوز سوزىندە.

جەلى قولدانۋشىلارى ەگىزدەردىڭ توسەك قاتىناسىنداعى ءبىر جىگىتتى قالاي بولىسەتىنىنە قىزىعۋشىلىق بىلدىرگەن.

« وسى سۇراققا جاۋاپ بەرەتىن بولساق، ءبىز ەكەۋمىز دە وتە بەلسەندىمىز. ال سۇيىكتىمىز ەكى ايەلدى بىردەن قاناعاتتاندىرا الاتىن جاعدايدا»، - دەپ تۇسىندىرگەن قىزداردىڭ ءبىرى.

ەگىزدەر توسەك قاتىناسىندا ۇشەۋىنە ىڭعايلى بولۋ ءۇشىن ارنايى ۇلكەن كەرەۋەت جاساتقاندارىن دا جاسىرمايدى.

دەرەككوز: Stan.kz