موڭعوليا قازاقستاننان 4 مىڭعا جۋىق وقۋلىقتار مەن وقۋ-ادىستەمەلىك ماتەريالدار الدى
وندا جەرگىلىكتى وقۋ ورىندارىنىڭ جۇمىسىمەن تانىستى، دەپ حابارلايدى pm.kz.
ك. ءماسىموۆ بايان- ولگەي وكرۋگىنىڭ اكىمشىلىك ورتالىعىنداعى №1 -قازاق مەكتەبىنە باردى.
بايان-ولگەي وكرۋگىنىڭ اكىمشىلىك ورتالىعىنداعى №1 -قازاق مەكتەبى 2014 -جىلى اشىلعان. سول كەزدە قازاقستان ۇكىمەتى ءبىلىم مەكەمەسىن مەكتەپكە قاجەتتى كەرەك- جاراقتارمەن جانە وقۋ قۇرالدارىمەن قامتاماسىز ەتكەن بولاتىن.
ءبىلىم سالاسىنداعى ەكىجاقتى ىنتىماقتاستىق قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ جانە موڭعوليانىڭ ءبىلىم، مادەنيەت جانە عىلىم مينيسترلىگىنىڭ اراسىنداعى كەلىسىم اياسىندا جۇزەگە اسىرىلاتىنىن ايتا كەتكەن ءجون.
جىل سايىن ق ر ب ع م شەتەلدە مەكەندەپ جاتقان قانداستارىمىزدىڭ بالالارى ءوز حالقىنىڭ تاريحىن، مادەنيەتىن جانە ءتىلىن وقىپ- ۇيرەنۋى ءۇشىن وقۋ- ادىستەمەلىك قۇرالداردى جىبەرىپ وتىرادى.
ماسەلەن، 2016 -جىلى موڭعولياداعى قازاق مەكتەبى 7-8 -سىنىپتاردىڭ وقۋشىلارى ءۇشىن قازاقستاننان 4 مىڭعا جۋىق وقۋلىقتار مەن وقۋ- ادىستەمەلىك ماتەريالدار الدى.
سونىمەن قاتار جوعارى جانە جوعارى بىلىمنەن كەيىنگى ءبىلىم سالاسىنداعى بايلانىستار دامۋدا. اتاپ ايتقاندا، ءبىزدىڭ ەلىمىزدىڭ ازاماتى بولىپ تابىلمايتىن قازاق ستۋدەنتتەرىنە كۆوتا بويىنشا ءبىلىم گرانتىن الۋ ءۇشىن كونكۋرسقا جانە قازاقستان ازاماتتارىمەن تەڭدەي جالپى كونكۋرسقا قاتىسۋ مۇمكىندىگى بەرىلەدى.
تەك 2015 -جىلدىڭ وزىندە كۆوتانى موڭعولياداعى 44 ەتنيكالىق قازاق پايدالانىپ، ءبىزدىڭ ەلىمىزدە ءبىلىم الۋ مۇمكىندىگىنە يە بولعان. 2001 -جىلدان باستاپ بايان-ولگەيدە س. امانجولوۆ اتىنداعى شىعىس قازاقستان ۋنيۆەرسيتەتىنىڭ فيليالى اشىلعان. جىل سايىن قازاقستاننىڭ ءبىلىم مينيسترلىگى شقمۋ ءۇشىن موڭعوليا ازاماتتارىنا ارناپ 25 ماقساتتى گرانت بولەدى.
ەسكە سالايىق، ك. ءماسىموۆ موڭعولياعا XI اسەم سامميتىنە قاتىسۋ ءۇشىن باردى، شارا 15 -شىلدە كۇنى ۇلان-باتىر قالاسىندا وتەدى.
