09:49, 05 - شىلدە 2016 | GMT +6
مەدينە قالاسىنداعى پايعامبار مەشىتى جانىندا بولعان جارىلىستان 4 ادام قازا تاپتى
استانا. قازاقپارات - پايعامبار مەشىتى كەشەنىنىڭ الدىنداعى كولىك تۇراعىندا جانكەشتى جارىلعىشتى ىسكە قوسىپ، سونىڭ سالدارىنان ءتورت كۇزەتشى قازا تاۋىپ، بەسەۋى جاراقات الدى، دەپ حابارلايدى bbc اگەنتتىگى ساۋد ارابياسى ىشكى ىستەر مينيسترلىگىنە سىلتەمە جاساي وتىرىپ.
وقيعا دۇيسەنبى كەشكە قاراي قاجىلىققا بارعان مىڭداعان ادام كەشكى نامازعا بەت العاندا بولعان. پايعامبار مەشىتى (ماسدجيد ان- ناباۆي) - مۇحاممەد پايعامبار (س. ع. س) جەرلەنگەن مۇسىلماندار ءۇشىن قاسيەتتى ورىن. مەدينا - يسلام ءۇشىن مەككەدەن كەيىنگى ماڭىزدى قالا.
ساۋديا ىشكى ىستەر مينيسترلىگىنىڭ حابارلاۋىنشا، كۇزەتشىلەردىڭ كۇدىگىن تۋدىرعان جانكەشتى جارىلعىشتى ىسكە قوسقان.