قازاقستاندا 4 ايدا ءبىر مىڭعا جۋىق اسكەري وقۋ- جاتتىعۋ وتكىزىلدى
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
ەگەر 2015 -جىلى قارۋلى كۇشتەردە 3500-دەي ءارتۇرلى وقۋ- جاتتىعۋ وتكىزىلسە، وندا بيىل 4 ايدا ولاردىڭ سانى 950-گە جەتتى. ونىڭ ىشىندە جەدەل دايارلىق بويىنشا ءىس- شارالار 40-تان استام، ال جاۋىنگەرلىك دايارلىق بويىنشا 900-دەي.
2016 -جىلدىڭ 4 ايداعى ءىرى وقۋ- جاتتىعۋلار - «ايبالتا» جانە «قاراتاۋ». «ايبالتا» جەدەل- تاكتيكالىق كوماندالىق- شتابتىق وقۋ- جاتتىعۋى وسى جىلدىڭ اقپانىندا ءوتتى. وقۋ- جاتتىعۋ وتكەن جەرگە بىرنەشە كۇن بويى بارلىق وڭىرلىك قولباسشىلىقتاردىڭ اسكەرلەرى تارتىلدى.
دالالىق ماشىقتى ارتتىرۋ ءۇشىن اسكەرلەر قۇرامداستىرىلعان تاسىلمەن 2- 4 مىڭ شاقىرىمعا دەيىنگى بەيتانىس پوليگوندارعا ءبىر جەردەن ەكىنشى جەرگە جونەلتىلدى جانە ءۇشارال جەدەل اۋەايلاعىنا جاۋىنگەرلىك اۆياتسيا قايتا ورنالاستىرىلىپ، «شىعىس» ءو ڭ ق «شىعىس» پوليگونىندا شوعىرلاندىرىلدى.
«ايبالتا-2016» وقۋ- جاتتىعۋىنىڭ ەرەكشەلىكتەرى اسكەرلەردىڭ دالالىق داعدىسىن شىڭداۋ. كۇردەلى قىسقى جاعدايدا بولىمدەر مەن بولىمشەلەردى تولىق ورىستەتە وتىرىپ، وتكىزىلدى. وقۋ- جاتتىعۋعا بارلىعى قىتىمىر كليماتتىق جاعدايدا تاباندىلىعى مەن توزىمدىلىگىن كورسەتە العان 5 مىڭعا جۋىق اسكەري قىزمەتشى تارتىلدى. بارلىق كەزەڭ بويى 1500-دەن اسا قارۋ- جاراق پەن اسكەري تەحنيكا جانە شامامەن 30 اۆياتسيالىق تەحنيكا ءىس- قيمىلداردىڭ ۇيلەسىمدىلىگى مەن بارلىق وقۋ- جاتتىعۋ نيەتىنىڭ ىسكە اسىرىلۋىن پىسىقتادى.
ۇزاق ۋاقىتتان بەرى وقۋ- جاتتىعۋ العاش رەت قىسقى ۋاقىتتا جاۋىنگەرلىككە جاقىنداتىلعان جاعدايدا ءوتتى.
ق ر ق ك جوعارعى باس قولباسشىسىنىڭ تاپسىرماسى بويىنشا «باتىس» وڭىرلىك قولباسشىلىعىنىڭ اسكەرلەرىندە ءساۋىر ايىندا «قاراتاۋ-2016» اۋقىمدى وقۋ- جاتتىعۋى ءوتتى. بۇل وقۋ- جاتتىعۋعا «باتىس» جانە «وڭتۇستىك» ءو ڭ ق اسكەرلەرى قولباسشىسى باسقارمالارىنىڭ جەكە قۇرامى، 25744، 86717، 30238، 75488 اسكەري بولىمدەرىنىڭ اسكەري قىزمەتشىلەرى، سونداي- اق ۇ ق ك شەكارا قىزمەتى مەن ق ر ءى ءى م ۇلتتىق ۇلانىنىڭ بولىمشەلەرى تارتىلدى.
مۇنداي وقۋ- جاتتىعۋدىڭ وتكىزىلۋى جەكە قۇرامنىڭ جاۋىنگەرلىك ءىس- قيمىلداردى جۇرگىزۋ ماشىعىن، سونداي- اق دەنە توزىمدىلىگىن جانە اسكەرلەردى ۇلكەن قاشىقتىقتارعا ءبىر جەردەن ەكىنشى جەرگە جونەلتۋدى پىسىقتاۋعا باعىتتالعان. «قاراتاۋ-2016» وقۋ- جاتتىعۋىنا 7 مىڭنان اسا اسكەري قىزمەتشى تارتىلدى. جالپى العاندا، شامامەن 2500 قارۋ- جاراق پەن اسكەري تەحنيكا، ونىڭ ىشىندە ق ر ق ك اۋە قورعانىسى كۇشتەرى مەن ق ر شەكارا قىزمەتىنىڭ 70-تەن اسا اۆياتسيالىق تەحنيكاسى تارتىلدى.
