18:00, 05 - مامىر 2016 | GMT +5
ن. نازاربايەۆ جەر تۋرالى كودەكستىڭ 4 نورماسىنا موراتوري جاريالادى - كەسكىن
استانا. قازاقپارات - اقوردادا مەملەكەت باسشىسى نۇرسۇلتان نازاربايەۆتىڭ توراعالىعىمەن ءوتىپ جاتقان كەڭەس بارىسىندا پرەزيدەنت «جەر تۋرالى كودەكسكە» ەنگىزىلگەن وزگەرىستەرگە موراتوري جاريالادى.
«مەن بۇگىن شەشىم قابىلدايمىن. جەر كودەكسىنىڭ قوعامدىق رەزونانس تۋدىرعان ءبىرقاتار نورمالارى، ناقتى ايتقاندا بىلتىرعى ەنگىزگەن 4 نورمانى كۇشىنە ەنگىزۋگە ەندىگى جىلعا دەيىن موراتوري جاريالايمىن. الدىمەن ەگجەي-تەگجەيىن قاراپ، حالىققا ءتۇسىندىرىپ، پارلامەنتپەن بىرگە شەشىپ، كەلىسىمگە كەلەتىن بولساڭدار، موراتوريدى الامىز، بولماسا، تۇسىرمەيمىز»، - دەدى ەلباسى نۇرسۇلتان نازاربايەۆ.
ايتا كەتەيىك، كەڭەسكە پارلامەنت پالاتالارىنىڭ ءتوراعالارى، پرەمەر-مينيستر، پرەزيدەنت اكىمشىلىگىنىڭ باسشىسى، ۇكىمەت مۇشەلەرى مەن مەملەكەتتىك ورگانداردىڭ باسشىلارى قاتىسۋدا.
