پاريجدە تاعى ءبىر لاڭكەستىك شابۋىل ۇيىمداستىرماق بولعان 4 سودىر ۇستالدى

استانا. قازاقپارات - فرانسيادا پوليتسيانىڭ لاڭكەستىككە قارسى ءبولىمىنىڭ قىزمەتكەرلەرى پاريجدە تاعى ءبىر لاڭكەستىك شابۋىل ۇيىمداستىرماق بولعان 4 سودىردى ۇستادى، دەپ حابارلايدى وسى ەلدىڭ بۇقارالىق اقپارات قۇرالدارىنا سىلتەمەمەن BBC.

ەل استاناسىندا جانە سەن-سەن-دەني دەپارتامەنتىندە جۇرگىزىلگەن رەيد بارىسىندا ءۇش ەركەك پەن ءبىر ايەل ادام قولعا ءتۇستى.

ارنايى قىزمەت ماماندارىندا بۇل ادامداردىڭ لاڭكەستىك توپتارمەن بايلانىسى بولعانى جايلى دەرەك بولعان، دەپ حابارلانعان TF1 جانە BFMTV تەلەارنالارىنىڭ سايتتارىندا.

ولاردى قولعا ءتۇسىرۋ كەزىندە اۆتومات قارۋدىڭ پايدالانىلماعان وقجاتارى جانە كومپيۋتەر قۇرالى تاركىلەندى.

ەستەرىڭىزگە سالا كەتەيىك، 2015-جىلعى 14- قاراشا كۇنى پاريجدە بىرنەشە دۇركىن جارىلىس بولىپ، ازاماتتارعا شابۋىل جاسالعان بولاتىن. سالدارىنان 130 ادام اجال قۇشىپ، 300 دەيى جارالانعان.