مىسىر سوتى 4 جاسار بالاعا ومىرلىك جازا بەردى
استانا. قازاقپارات - مىسىر ەلىنىڭ استاناسى ەگيپەتتە تۇراتىن ءتورت جاسار بالا كىسى ولتىرگەنى ءۇشىن ومىرلىك جازاعا كەسىلگەن. بۇل جايىندا 19-اقپان كۇنى The Daily Mirror اقپارات قۇرالى جاريالاپ وتىر.
ءتورت جاستاعى بالاعا سەگىز رەت ادام ولتىرۋگە وقتالۋ، ۆانداليزم، مەملەكەت مۇلكىن جانە قىزمەتتىك كولىكتى قيراتۋ، سونداي- اق پوليتسەيلەر مەن اسكەريلەرگە قوقان- لوقى كورسەتۋ دەگەن سياقتى ايىپتار تاعىلعان. سوتتالۋشىنىڭ قۇقىرقورعاۋشىسى سوت ءتوراعاسىنىڭ ءىس ماتەريالدارىن وقىماستان قول قويا سالعانىنا سەنىمدى بولىپ وتىر.
«احمەد مانسۋر كارنيدىڭ تۋۋ تۋرالى كۋالىگى ىزدەۋ جۇمىستارىنىڭ ىشىندە بولعان. كەيىننەن ەسىمى كۇدىكتىلەردىڭ قاتارىنا ەنىپ كەتكەن. ال، ءىستى اسكەري سوتتىڭ قاراۋىنا جىبەرگەن. ارينە، ءتورت جاستاعى كارني بۇل سوتقا كەلمەيدى. ءسويتىپ، سىرتتاي سوتتالىپ كەتە بارعان» ، - دەيدى ول. تاعى ءبىر كۇلكىلىسى - سوت ماتەريالى بويىنشا، كارنيدىڭ قىلمىس جاساعان كەزىندەگى جاسى ەكىگە ەندى جەتكەنى.
ول بۇل جاعداي ەگيپەتتە ادىلەت جوقتىعىن، باسسىزدىق جايلاعانىن بىلدىرەدى دەيدى. كوپتەگەن قۇقىققورعاۋشىلار ەگيپەتتە كۇن سايىن ءتارتىپ ساقشىلارى ادامداردى تۇككە تۇرمايتىن سەبەپتەرمەن ۇرىپ- سوعىپ، تەرگەۋگە الاتىنىن ايتادى. الايدا، بۇل ايتىلعاندار كاير بيلىگى تەرىسكە شىعارۋمەن كەلەدى.
muslim.kz
