شەتەلدىك جارناما جاساۋشىلار قازاقستان نارىعىندا 4 ميلليارد تەڭگە تابىس تابادى

الماتى. قازاقپارات - 2016 -جىلدان باستاپ وتاندىق تەلەارنالار شەتەلدىك جارنامالاردان تۇبەگەيلى تازاراتىن بولادى.

ال رەسەيلىك ارنالاردىڭ ونىمدەرى قازاقستاندا مۇلدە كورسەتىلمەيدى دەگەن اقپارات جالعان قاۋەسەت. بۇگىن ورتالىق كوممۋنيكاتسيالار قىزمەتىندە «حابار» اگەنتتىگىنىڭ» ءتوراعاسى ايدوس ۇكىباي وسىلاي دەپ، ماسەلەنىڭ اق-قاراسىن اشىپ بەردى.

ايدوس ۇكىباي، «حابار» ا ق باسقارما ءتوراعاسى:

- مەن ءبىزدىڭ ەلدە تابىلعان قاراجاتتىڭ وزىمىزدە قالعانىن قالايمىن. مامانداردىڭ ەسەبى بويىنشا بۇل شامامەن 4 ميلليارد تەڭگە ەكەن. ول قارجىعا ءبىز كولىك، جانار-جاعارماي الىپ، الشاق اۋىلدارعا بارىپ، سولاردىڭ پروبلەمالارى جايىندا رەپورتاجدار تۇسىرە الار ەدىك. ول اقشا ءبىزدىڭ نارىق، ءبىزدىڭ كونتەنت ءۇشىن جۇمىس ىستەيدى. ال جالپى رەسەيلىك ءونىم كورسەتىلمەيدى دەگەن اقپارات جالعان قاۋەسەت.

www.24.kz