تەگەراندا تۇتقىندا بولعان امەريكالىقتارعا 4 ميلليون دوللاردان استام وتەماقى تولەنەتىن بولدى

استانا. قازاقپارات - 1979 -جىلى يراندا بولعان توڭكەرىستىڭ ناتيجەسىندە 444 كۇن تۇتقىندا بولعان 53 ا ق ش ازاماتىنا 4,4 ميلليون دوللار كولەمىندە وتەماقى تولەنەتىن بولدى.

بۇل جايىندا وتكەن اپتادا ا ق ش كونگرەسى قابىلداعان زاڭعا سايكەس، وزگە دە شابۋىلداردان زارداپ شەككەن ەل ازاماتتارىنا دا وتەماقى تولەنەتىن بولدى دەپ حابارلايدى «New York Times»  گازەتى.

زارداپ شەگۋشىلەردىڭ قۇقىعىن قورعاۋشى توماس لانكفوردتىڭ پىكىرىنشە، بۇل شەشىم - ۇزاققا سوزىلعان كۇرەستىڭ كوپتەن كۇتكەن جەڭىسى.

1979 -جىلدىڭ 4 -قاراشاسىنان باستاپ، 1981 -جىلدىڭ 20 -قاڭتارىنا دەيىن تۇتقىندا وتىرعانداردىڭ باسىم بولىگى ەلشىلىك قىزمەتكەرلەرى مەن اسكەري وكىلدەر بولعان. سودان بەرى، 36 جىل 12 اي ءوتتى، دەدى لانكفورد.